Müəllimə zorla qaçırıldı

Saatlı rayonunda müəllimə zorla qaçırılıb.

1news.az  criminal.az-a  istinadla xəbər verir ki,  rayonun Nəsimikənd orta məktəbində müəllimə işləyən  28 yaşlı Reyhan Usubovanı 3 nəfər zorla maşına mindirib və ərazidən uzaqlaşıb.

Reyhan müəllimənin əmisi Hüsən Usubov - bildirb ki, Hacıqabul sakini olan Reyhan 2016-cı ilin sentyabrında təyinatla Saatlı rayonunun Nəsimikənd orta məktəbinə ibtidai sinif müəllimi göndərilib:"Dünən qardaşımın həyat yoldaşı ilə elə həmin kəndə Reyhanı Hacıqabula evinə gətirməyə getmişdik. Biz Reyhanının yaşadığı evdə onun dərsdən evə gəlməyini gözləyirdik. Xeyli vaxt keçsə də, gəlib çıxmadı.

Sonradan məlum oldu ki, Reyhan dərsdən evə qayıdarkən 3 nəfər tərəfindən zorla qaçırılıb. Qaçıranlardan bir nəfərini kənd sakinləri tutub saxlayıblar".

Hadisə ilə bağlı polisə məlumat verilib. Axtarışladan sonra Reyhanın Xaliq adlı şəxs tərəfindən qaçırılaraq Sabirabad rayonunda nənəsinin evində gizlədildiyi məlum olub. Qız tapılaraq ailəsinə verilib.

Qızı qaçıran Xaliq adlı şəxs Nəsimikənd məktəbində təmir işi ilə məşğul olurmuş. Polis müəlliməni qaçıran şəxsi saxlayıb. 

1news.az