BƏƏ-Azərbaycan biznes tərəfdaşlarının ilk toplantısı olub
Birləşmiş Ərəb Əmirliklərinin(BƏƏ) Azərbaycandakı səfiri Məhəmməd Əhməd Alqubaisi BƏƏ-Azərbaycan biznes tərəfdaşları ilə ilk toplantı keçirilib.
1news.az-a BƏƏ-nin Bakıdakı səfirliyindən verilən məlumata görə, görüşdə səfir iki ölkə arasında siyasi və iqtisadi əlaqələrin inkişafı üçün dövlət başçılarının səylərini qeyd edib.
İştirakçılar iqtisadi, ticarət və texniki məsələlər üzrə birgə hökumətlərarası komissiyanın ötən ay Dubayda təşkil edilən 6-cı iclasının işini yüksək qiymətləndiriblər.
Görüşdə XİN-in dövlət protokol departamentinin rəhbəri Pərvin Mirzəzadə, AZPROMO-nun rəhbəri Rüfət Məmmədov, AZPROMO marketinq meneceri Anar Nuriyev, Dubay Ticarət Palatasının Bakı ofisinin rəhbəri Sənan Nəsibli, Azərsun şirkətinin vitse-prezidenti Tahir Gözəl və digər şirkətlərin təmsilçiləri iştirak ediblər.
Müzakirələrin mövzusu qarşılıqlı investisiya imkanları, ixrac və idxal məsələləri, qida təhlükəsizliyi, hava əlaqəsi və s. əhatə edib.
Səfir sonda iştirakçılara "Tərəfdaşlıq sertifikatları" təqdim edib.
Belə görüşlər davamlı keçirilməsi razılaşdırılıb.
.jpg)
Pərvanə Sultanova
