İslamiada: Azərbaycanın 6 boksçusu finala yüksəlib

Bu gün IV İslam Həmrəyliyi Oyunlarında boks yarışlarının yarımfinal mərhələsinin görüşləri keçirilib.

1news.az-ın məlumatına görə, final uğrunda Azərbaycanın 7 boksçusu mübarizə aparıb.

Onlardan 6-sı sabah keçiriləcək finala vəsiqə qazanıb. 56 kq çəki dərəcəsində mübarizə aparan Tayfur Əliyev isə bürünc medal qazanıb. 

75 kq çəki dərəcəsində yarışan Olimpiya mükafatçımız Kamran Şahsuvarlı, Teymur Məmmədov (91 kq), Cavid Çələbiyev (60 kq), Tamerlan Abdullayev (69 kq), Rauf Rəhimov (81 kq) Məhəmmədrəsul Məcidov (+91 kq) isə finala yüksəliblər.

Qeyd edək ki, final görüşləri sabah saat 16:00-da başlayacaq.

1news.az