Praqada AŞPA-nın Daimi komitəsinin iclası başlayıb

Praqada Avropa Şurası Parlament Assambleyasının(AŞPA) Daimi komitəsinin iclası keçirilir.

1news.az xəbər verir ki, iclası AŞPA sədri Pedro Aqramunt açıb.

İclasda Azərbaycanın AŞPA-dakı nümayəndə heyətinin rəhbəri Səməd Seyidov da iştirak edir.

Komitə iclasında qarşıdakı altı ayda Avropa Şurası Nazirlər Komitəsinə sədrlik edəcək Çexiyanın xarici işlər naziri Lubomir Zaoralek ölkəsini prioritetlərini açıqlayacaq və deputatların suallarını cavablandıracaq.

Həmçinin, gündəmdə Ermənistandakı parlament seçkilərinin müşahidəsi, Serbiyada prezident seçkiləri və Türkiyədə konstitusiya dəyişikliyi ilə bağlı referendum daxildir.

Pərvanə Sultanova