Bakıda maşın nənə ilə nəvəni vurub: ölən var

Bakıda ölümlə nəticələnən ağır yol-nəqliyyat hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə dünən axşam saatlarında paytaxtın Binəqədi rayonunun Biləcəri qəsəbəsində qeydə alınıb.

Belə ki, Bakı şəhər sakini Elçin Qurbanov idarə etdiyi "Mercedes" markalı avtomobillə yolu keçən paytaxt sakinləri Nargül Əmirovanı və nəvəsi 14 yaşlı Qorxmaz Əmirovu vurub.

Nəticədə xəstəxanaya yerləşdirilən N.Əmirova orada ölüb, azyaşlının vəziyyəti orta-ağırdır.

Faktla bağlı Binəqədi RPİ tərəfindən araşdırma aparılır.

Babək Cahandarov