Məşhur Hollivud ulduzu ata oldu – FOTO

Məşhur Hollivud ulduzu Corc Kluni ata olub. Ulduzun əkiz övladları dünyaya gəlib.

1news.az-ın euronews-a istinadla verdiyi xəbərə görə, Amal Kluni ilə evli olan aktyor qızını Ella, oğlunu isə Aleksandr adlandırıb.

Uğursuz nikahdan sonra dostlarına həyatının sonunadək subay qalacağına and içən aktyor Amal ilə tanışlıqdan sonra fikrini dəyişir.

Onlar üç il əvvəl Venesiyada təmtəraqlı toy ediblər. Nikahdan sonra cütlük Berkşir qraflığında malikanə alaraq Hollivudun səs-küylü həyatından uzaqlarda sakit həyat yaşamağa başlayır.

S.Xankişiyeva