Məktəblilərimizin uğuru: bir ilə 28 medal | 1news.az | Xəbərlər
Cəmiyyət

Məktəblilərimizin uğuru: bir ilə 28 medal

12:20 - 31 / 08 / 2017
Məktəblilərimizin uğuru: bir ilə 28 medal

2016-2017-ci tədris ilində azərbaycanlı məktəblilər müxtəlif beynəlxalq fənn olimpiadalarında  1 qızıl, 4 gümüş, 23 bürünc olmaqla 28 medal qazanıblar.

Təhsil Nazirliyindən 1news.az-a verilən məlumata görə, dünyanın nüfuzlu bilik olimpiadaları riyaziyyat, fizika, kimya, informatika və digər fənlər üzrə keçirilib.

49-cu Beynəlxalq Kimya Olimpiadasında ölkəmizi təmsil edən şagirdlərin qazandıqları uğura görə Azərbaycan 78 ölkə arasında 15-ci yerdə qərarlaşıb. Beləliklə, Azərbaycan bu uğurla Böyük Britaniya, İtaliya, Almaniya, Kanada, Finlandiya, Estoniya və İsrail kimi inkişaf etmiş ölkələri geridə qoyub.

Təhsil Nazirliyinin beynəlxalq olimpiadalara hazırlıq prosesinin təkmilləşdirilməsi və diqqət mərkəzində saxlaması şagirdlərin müvəffəqiyyətli çıxışlarına səbəb olub.

Nazirlik tərəfindən Fizika, riyaziyyat və informatika təmayüllü və  Kimya-biologiya təmayüllü liseylərdə yaradılmış Beynəlxalq olimpiadalara hazırlıq mərkəzlərində 200-ə yaxın şagird il ərzində olimpiadalara hazırlıq prosesinə cəlb edilib.

Babək Cahandarov

Paylaş:
906

Son xəbərlər

Sabahın hava PROQNOZU

19 / 05 / 2025, 12:37
Bütün xəbərlər