Dövlət katibi: Fransa Dağlıq Qarabağ münaqişəsinin həlli istiqamətində çalışır
"ATƏT-in Minsk qrupunun həmsədrləri öz işlərini lazımınca yerinə yetirirlər".
1news.az xəbər verir ki, bunu Fransanın Avropa və Xarici İşlər Nazirliyinin dövlət katibi Jan-Batist Lömuan jurnalistlərə deyib.
Bu gün Prezident İlham Əliyevlə görüşdüyünü xatırladan dövlət katibi vurğulayıb ki, həmin görüşdə Fransanın Dağlıq Qarabağ münaqişəsinin həll olunması istiqamətində həmsədr ölkə kimi çalışdığını deyib:
“ATƏT-in Minsk qrupunun fransalı həmsədri səfir Stefan Viskonti ilə daimi əlaqə saxlayıram”.
Nazir bildirib ki, bu yaxınlarda Nyu Yorkda BMT Baş Assambleyası çərçivəsində nazirlər səviyyəsində görüşün keçirilməsi nəzərdə tutulub: "Ola bilsin ki, gələcəkdə daha yüksək səviyyədə görüş baş tutsun. Fransa bu prosesin aparılmasına daim diqqətlə yanaşır".
1news.az
