Mübariz Əhmədoğlu: BTQ-nin işə düşməsi erməni mühitində ciddi müzakirə obyekti oldu
Bakı-Tbilisi-Qars dəmir yolunun işə düşməsi rəsmi Yerevan da daxil olmaqla erməni mühitində ciddi müzakirə obyekti oldu.
1news.az xəbər verir ki, bu barədə Siyasi İnnovasiya və Texnologiyalar Mərkəzinin direktoru, politoloq Mübariz Əhmədoğlu deyib.
O bildirib ki, bir sıra ekspertlər bununla bağlı müxtəlif fikirlər səsləndiriblər. Politoloq həmin ekspertlərin fikirlərindən sitatlar gətirib:
ı. “Bakı-Tbilisi-Qars böyük Turanın formalaşmasının başlanğıcıdır”:- İrakli Çxeidze.
ıı. “BTQ antiRusiya siyasi proqramın bir şaxəsidir”:- İsmayıl Şabanov Rusiyanın talış diasporunun rəhbəri.
ııı. “BTQ təkcə Ermənistan üçün deyil, həm də Rusiya üçün hədədir”:- K.Zatulin RF Dövlət Dumasının deputatı, stajlı ermənipərəst.
ıv. “Lazurit koridoru (BTQ-nin Türkmənistan və Əfqanıstan qoşulmuş variantı) Bakı və Ankaranın piar aksiyasından başqa bir şey deyil. Amma Ermənistan öz nəqliyyat-tranzit layihələrini reallaşdırmaqda tələsməlidir”:-Conni Melikyan, Ermənistan dövlət idarəçilik akademiyasının əməkdaşı, gürcü məsələləri üzrə ekspert.
v. “BTQ ziddiyyətli xarakterə malikdir. Haçansa bu böyük İpək Yoluna inteqrə olunacaq”:- Stanislav Tarasov, Regnum İA rəhbərlərindən biri, Yaxın Şərq və Qafqaz məsələləri üzrə ekspert.
vı. “İran-Ermənistan-Gürcüstan-Rusiya dəmir yolu BTQ-yə alternativ olduğu üçün Çinin marağındadır. Ona görə biz Çinlə əməkdaşlıq edib öz dəmir yolumuzu tikməliyik”:- Tatul Manaseryan, “Alternativ” tədqiqat mərkəzinin rəhbəri, iqtisad elmləri doktoru.
vıı. “Vaxtilə prezident R.Köçəryan hamını inandırmışdı ki, BTQ dəmir yolunun tikintisi heç vaxt başlamayacaq”:-168 saat qəzeti.
vııı. Əgər bu (BTQ) biznesmenlərə sərfəli olacaqsa bundan istifadə edəcəyik. Sərfəli olmayacaqsa istifadə etməyəcəyik”:- Ermənistanın baş naziri K.Karapetyan ölkəsinin BTQ-yə qoşulmasını belə asan və soyuqqanlı izah etdi. Guya Dağlıq Qarabağ problemi yoxdur.
ıx. “BTQ-nin Ermənistanın blokadasını gücləndirəcəyini düşünmürəm:”-Arnold Stepanyan, “Çoxmillətli Gürcüstan” təşəbbüsünün rəhbəri.
x. “BTQ Ermənistan ətrafında Türkiyə-Azərbaycan həlqəsidir. Strateji baxımdan Ermənistan üçün ciddi təhlükə yarada bilər. Bu Cavaxetiya regionuna Türkiyə-Azərbaycan işçi qüvvəsini gətirəcəkdir. Ermənistan prezidenti Gürcüstanın Cavaxetiya regionuna səfər etməlidir”: - 1 in.amsaytı.
xı. “BTQ Rusiya və İrana qarşı yönəlib. Lakin Ermənistanın manevr üçün imkanları var”:-Vardan Voskanyan, şərqşünas, iranşünas.
1news.az
