Dünyada ən çox satılan smartfon məlum olub

“Canalys” analitik şirkətinin məlumatına görə, ötən ilin dördüncü rübündə dünyada ən çox satılan smartfon “iPhone X” olub. “Apple” şirkəti bu dövrdə 29 milyon qurğunu satışa çıxarıb.

1news.az “lenta.ru” saytına istinadla xəbər verir ki, “iPhone X”ın məşhurluğu iki amilə əsaslanır: kreditdən asan istifadə və köhnə qurğuların mübadiləsi imkanı. Nəticədə köhnə “iPhone” sahibi öz qurğusunu şirkətə təqdim edərək əvəzində yeni smartfonu endirimli qiymətə əldə edə bilir.

Qeyd edək ki, “Apple” şirkəti “iPhone X”in istehsalını və satışını dayandırıb. Şirkət 2018-ci ilin yayında smartfonu satışa çıxarmayacaq. Bu yeni modelin hazırlanması ilə əlaqədardır.

1news.az