Hicran Hüseynova Füzulidə vətəndaşları qəbul edəcək
Ailə, Qadın və Uşaq Problemləri üzrə Dövlət Komitəsinin sədri Hicran Hüseynova fevralın 27-də Füzuli rayonundakı Heydər Əliyev Mərkəzində vətəndaşların qəbulunu keçirəcək.
1news.az-ın məlumatına görə, saat 10:15-də başlayacaq qəbulda Ağcabədi, Laçın, Beyləqan, Xocavənd, Tərtər, Bərdə, Ağdam, Füzuli rayonlarının sakinləri qadın və uşaq hüquqlarının müdafiəsi, məşğulluq, sağlamlıq və digər məsələlərlə bağlı iştirak edəcəklər.
Qəbulda vətəndaşların ərizə, təklif və tövsiyələrinə baxılması nəzərdə tutulur. Qəbuldan sonra rayonun fəal qadınları ilə görüşün keçirilməsi planlaşdırılır.
Görüş çərçivəsində Füzuli rayonunda qadın və uşaq hüquqlarının müdafiəsi, qadın sahibkarlığının inkişafı və digər mövzular üzrə müzakirələr aparılacaq.
1news.az
