Bakıda İtaliya Dizayn Günü çərçivəsində sərgi keçirilib - FOTO

Bakıda İtaliya Dizayn Günü çərçivəsində “70 illik səyahət: İtaliya Dizaynı 50-ci illərdən bu günə” adlı sərgi keçirilib.

1news.az xəbər verir ki, sərgidə Smeg, Piaggio, Ferrari, Lamborghini, Ducati, Alfa Romeo, Giorgio Armani, Dolce&Gabbana, Prada, Fendi, Ermanno Scervino, e Valentino kimi dizayn ikonalarının məhsulları nümayiş olunub.

Dəyirmi masalarla yanaşı tədbir zamanı italyan və azərbaycan şirkətlərinin iştirak etdiyi 100-ə yaxın B2B görüşlər nəzərdə tutulub. Həmin görüşlərdə iştirak etmək üçün Pibamarmi, Polistudio, Monkey du, Studio Pironi, Federlegno, Kubedesign, 4dimension, Studio Ape və CNAPPC italyan şirkətlərindən ibarət heyət Bakıya işgüzar səfər təşkil edib.

Açılış mərasimində çıxış edən İtaliyanın Azərbaycandakı səfiri Auqusto Massari deyib ki, Bakıda İtalyan Dizayn gününün keçirilməsinin Azərbaycan və İtaliya arasında dizayn və memarlıq sahəsində əməkdaşlıq üçün əhəmiyyətindən söz açaraq bu tədbirlərin iki ölkə arasında gələcək əməkdaşlığı gücləndirəcəyini vurğulayıb.

İtaliya dizaynına həsr olunmuş 2-ci Beynəlxalq İtaliya Dizayn Günü keçirilir. Tədbirin məqsədi İtaliya mədəniyyətinin və iqtisadiyyatının mühim sahəsi hesab olunan İtalyan dizaynının mükəmməlliyini qeyd etməkdir.

Tədbir “Bakının gözəlliyi və onun gələcəyi: müasir iş dünyalarında interyer dizayn” və “Bakının gözəlliyi və onun gələcəyi: inteqrasiya olunmuş şəhər memarlıq layihəsi” başlıqlı iki dəyirmi masa ilə Bakı Media Mərkəzində davam edəcək.

Pərvanə Sultanova