BANM-ın müəllimi Prezidentin sərəncamı ilə “Tərəqqi” medalı aldı
Bakı Ali Neft Məktəbinin (BANM) əməkdaşı, Neft-qaz mühəndisliyi kafedrasının dosenti Xanum Cəfərova Azərbaycan qadınlarının “Tərəqqi” medalı ilə təltif edilməsi haqqında Azərbaycan Respublikasının Prezidenti cənab İlham Əliyevin Sərəncamı ilə “Tərəqqi” Medalı ilə təltif edilib.
1news.az-a BANM-ın İctimaiyyətlə əlaqələr şöbəsindən verilən xəbərə görə, BANM-ın rektoru Elmar Qasımov Neft-qaz mühəndisliyi kafedrasının dosenti Xanum Cəfərova ilə görüşərək onu ürəkdən təbrik edib, ona Ali Məktəbdə gələcək fəaliyyətində uğurlar diləyib və daha yüksək uğurlar qazanmağı arzu edib.
Qeyd edək ki, X.Cəfərova 20-dən çox elmi işin və ingilis dilində təhsil alan tələbələr üçün “Mathematics -1” (“Riyaziyyat-1”) adlı dərs vəsaitinin müəllifidir. Daha öncə SOCAR-ın Prezidenti cənab Rövnəq Abdullayev tərəfindən ona Fəxri Fərman verilmişdir. X.Cəfərova həmçinin pedaqoji fəaliyyətinə görə Azərbaycan Respublikası Təhsil Nazirliyi tərəfindən də Fəxri Fərmanla təltif edilib.
S.Xankişiyeva
