BƏƏ mətbuatı Bakıdan yazıb: Xəzər dənizinin sahilindəki turizm möcüzəsi
Azərbaycanın Birləşmiş Ərəb Əmirliklərindəki (BƏƏ) səfirliyin dəstəyi ilə bu ölkənin mebusiness.ae internet portalında “Bakı.. Xəzər dənizinin sahilindəki turizm möcüzəsi... Ən gözəl şəhərlər taxtında əyləşmək üçün zamanı qabaqlayan küləklər şəhəri” adlı məqalə dərc olunub.
1news.az-a səfirlikdən verilən məlumata görə, 11 aprel 2018-ci il tarixində Azərbaycanda keçirilmiş prezident seçkilərini müşahidə etmək məqsədilə Bakıda səfərdə olmuş müəllif şəhərdə tam bir həftə qaldığını, paytaxtın ecazına valeh olduğunu qeyd edərək, yerli əhali arasında Bakının küləklər şəhəri adlandırıldığını oxucularının diqqətinə çatdırıb.
Qafqaz şəhərləri arasında Bakının ən böyük və ən gözəl şəhər olduğunu bildirən müəllif tarixi və memarlıq üslubu ilə şəhərin buraya gələn hər bir turisti valeh etdiyini vurğulayıb, YUNESKO-nun İçərişəhərin məftunedici divarları, dizaynı, arxitekturası barədə danışıb, Şirvanşahlar sarayı, filosof S.Y.Bakuvi, Nizami küçəsi və Bakının füsunkar gecələri barədə oxucularına məlumat verib.
Bakı Kristal hall, Qız qalası, Qobustan qayaüstü rəsmləri, Heydər Əliyev Mərkəzi, Xalça muzeyi, Atəşgah və sair görməli və gəzməli yerlər barədə məlumat verən müəllif odlar diyarı olan Azərbaycanın zəngin neft və qaz ehtiyatlarına malik olduğunu və şəhərin mərkəzində yerləşən alov dilimlərinin Bakıya xüsusi gözəllik verdiyini vurğulayıb.
Müəllif Qız Qalasının Bakının ən görməli yerlərindən biri olduğunu bildirərək, parislilərin Eyfeli sevdiyi qədər azərbaycanlıların da Qız Qalasını sevdiyini qeyd edib, qalanın əvvəl məbəd və daha sonra mayak kimi istifadə edildiyini bildirib və 28 metrlik qalanın zirvəsidən Bakının ecazkar panoramasının müşahidə edildiyini diqqətə çatdırıb.
Azərbaycanın zəngin mətəxə malik olduğunun vurğulandığı məqalədə yerli əhalinin ənənəvi çörəyi olan – təndir çörəyinin xüsusi dada malik olduğu və onun inək pendiri, qaymaq, qara çay, mürəbbə ilə təqdim olunduğunu qeyd edikib, Azərbaycanın milli geyimi və məşhur əl xalçalarından danışılıb, XV əsrdə tikilmiş Şirvanşahlar sarayından söhbət açılıb.
Sonda Heydər Əliyev Mərkəzi, Qobustan və Atəşgah barədə oxucularını məlumatlandıran müəllif sözün əsl mənasında Azərbaycan valeh olduğunu və daha sonra buraya sevə-sevə gəlmək arzusunda olduğunu bildirib.
Məqalənin orijinalı ilə aşağıdakı keçid vasitəsilə tanış olmaq olar.
http://mebusiness.ae/ar/news/show/28005
P.Sultanova
