İtkin düşən alpinist Fəridə Cəbrayılzadə Masallıda dəfn olunub – FOTO – YENİLƏNİB

Ötən gün meyiti tapılan üç alpinistdən biri – Cəbrayılzadə Fəridə Zəbiyulla qızı Masallı rayonunda dəfn olunub.

1news.az-ın APA-ya istinadla verdiyi xəbərə görə, mərhum Masallı rayonunun Şərəfə kənd qəbiristanlığında torpağa tapşırılıb.

14.24

Ötən gün meyiti tapılan üç alpinistdən biri Cəbrayılzadə Fəridə Zəbiyulla qızının nəşi dəfn olunmaq üçün Masallı rayonuna gətirilib.

1news.az-ın APA-ya istinadla verdiyi xəbərə görə, F.Cəbrayılzadə rayonun Şərəfə kəndində torpağa tapşırılacaq.

10.15

İtkin düşmüş alpinistlərin meyitləri ailələrinə təhvil verilib.

1news.az-ın Report-a istinadla verdiyi xəbərə görə, Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Quba rayon şöbəsində müayinə edilən iki alpinistin - Babur Vaqif oğlu Hüseynov və Namin Nizami oğlu Bünyatzadənin meyitləri ailələrinə təhvil verilib.

Meyitlər dəfn olunması üçün Bakıya gətirilir.

09.57

Quba rayonunda qar uçqunu altında qalan alpinistlərdən birinin meyiti ailəsinə təhvil verilib.

1news.az-ın Report-a istinadla verdiyi xəbərə görə, “Gilavar” Hava və Ekstrim İdman Klubunun üzvü Fəridə Zəbiyulla qızı Cəbrayılzadənin meyiti Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Quba rayon şöbəsində müayinə edilib. Müayinədən sonra meyit ailəsinə təhvil verilib.

F.Cəbrayılzadənin meyiti dəfn edilməsi üçün Bakıya gətirilir.

S.Xankişiyeva