Samsung yeni layihəsinə davam edir – FOTO
Azərbaycanda və dünyada beynəlxalq iqtisadiyyatın ən ciddi fiqurlarından biri kimi tanınan, elektronika satışı üzrə lider olan Samsung şirkəti yeni layihəsini davam etdirir.
Layihənin əsas məqsədi ölkəsini dünyada tanıdan, vətənini beynəlxalq aləmdə layiqincə təmsil edən insanları, öz sahəsində yüksək nailiyyətləri olan şəxsləri ən yaxşı “Samsung” məhsulları ilə dəyərləndirməkdir. Bu dəfə Samsung şirkəti dünya şahmatının tanınmış siması, gənclər arasında ikiqat dünya, Azərbaycan milli komandasının heyətində üçqat Avropa çempionu, Vüqar Həşimov Memorialının ikiqat qalibi, Avropa Çempionlar Kubokunun sahibi, FİDE reytinqində üçüncü pillədə qərarlaşan şahmatçımız Şəhriyar Məmmədyarova Samsung Galaxy S9+ mobil telefonunu təqdim edib.
Şəhriyar Məmmədyarov bu layihəyə görə Samsung-a təşəkkür etdi:
“Mən çox şadam ki, Samsung məhz şəxsi keyfiyyətləri və nailiyyətləri dəyərləndirir. Bu mənim üçün çox vacib amildir”.
Yeni telefona gəldikdə isə, qrossmeyster fikirlərini belə bölüşüb:
“Bu modelin keyfiyyətlərini şahmatla müqayisə edərdim. Çox ağıllı telefondur. Zəngin funksiyaları var. Onları öyrənmək üçün müəyyən vaxt lazım olacaq. Ekranı geniş olduğuna görə internetdə rahat şahmat oynamaq imkanım var. Samsung Galaxy S9+-un foto çəkmək qabiliyyətini xüsusi qeyd edərdim. Yarışlarda olduğum zaman şəkil çəkdirməyi xoşlayıram. Bu mənada Samsung Galaxy S9+ köməyimə çatacaq. Bir idmançı kimi yenilikləri çox sevirəm, hər bir şeydə yüksək keyfiyyət və çox funksionallığa yüksək önəm verirəm”.
Qeyd edək ki, “Samsung” şirkəti Azərbaycanı müxtəlif sahələrdə dünyada layiqincə tanıdan insanlara premium hədiyyələri təqdim etməklə, onların ən yaxşı məhsullara layiq olduğunu vurğulamağa bu layihə çərçivəsində davam edəcək.
Reklam hüququnda
