Müəllim və valideynlər üçün ilin son səyyar qəbulu keçiriləcək

İyunun 8-də 2017-2018-ci tədris ilinin son səyyar qəbulu keçiriləcək.

Bakı Şəhəri üzrə Təhsil İdarəsinin mətbuat xidmətindən 1news.az-a verilən məlumata görə, paytaxtın Suraxanı və Xətai rayonları üzrə təşkil olunacaq qəbulda müəllim və valideynlərin müraciətləri dinləniləcək.

Səyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə sağlam və yaradıcı mühitin təmin olunması üçün sistemli iş aparmaq məqsədlərinə xidmət edir.

Bakıdakı 280 nömrəli tam orta məktəbdə (Ünvan: Biləcəri qəsəbəsi, Yeni yaşayış massivi) təşkil olunacaq səyyar qəbul saat 10:00-da başlayacaq.

Səyyar qəbulda müəllim və valideynlərin müraciətləri Bakı Şəhəri üzrə Təhsil İdarəsinin rəhbərliyi və struktur bölmə əməkdaşları tərəfindən dinləniləcək, müvafiq təşkilati və maarifləndirmə tədbirləri görüləcək.

1news.az