Harvard Biznes Məktəbinin məzunu Elnurə Həşimovanın uğurunun sirri – FOTO
Elnurə Həşimova Harvard Biznes Məktəbində (HBS) Liderliyin İnkişafı Proqramının (PLD) məzunudur.
E.Həşimova proseslərin avtomatlaşdırılması, bank, sığorta, mehmanxana işi, istehlakçı ticarət də daxil olmaqla bir sıra sahələrdə 15 ildən çox idarəçilik təcrübəsinə malikdir.
Öz peşəsini tapmaq həvəsi onu “Starbucks” şirkətinə gətirir. Burada o, gözlənilməz fiziki təcrübə ilə qarşılaşaraq inkişafa sahib olur.
Hazırda Elnurə “Mazda North American Operations” şirkətində baş biznes-məsləhətçi, eləcə də HBS məzunlarının buraxdığı “Bundle Network” kriptovalyuta mübadiləsi platformasında strateji məsləhətçi vəzifəsində çalışır.
Harvard Biznes Məktəbi öz səhifəsində proqramın məzunu kimi Elnurə Həşimova ilə müsahibəni dərc edib:
“Proqramın ən yaddaqalan detalları kimi metodologiya və yanaşma oldu. Biz nəzəriyyəni öyrənmirdik. Orada dünyanın lider şirkətlərinin uğur tarixləri və müvəffəqiyyətsizliyini öyrənirdik. Nəhəng brendlərin uğursuzluğunu öyrənmək mənə güc verdi – tənəzzüldən qorxmamağı öyrətdi”, - deyə, Elnurə müsahibəsində bildirib.
PLD diplomu hesabına E.Həşimovanın həyatında maraqlı vəziyyət yaranır. Kursu bitirdikdən sonra o, həyatda daha çox hansı peşə ilə məşğul olmaq istəyilə Elnurə yeni brend yaratmağı anlayır.
Hazırki inkişaf edən brendlərdən hansının daha uğur gətirəcəyi haqda düşünərkən, Elnurə “Starbucks” şirkəti üzərində dayanır. Tez bir zamanda həmin şirkətdə işə başlayır. Yeni işi hesabına o, şirkətin inkişafı üçün aparıcı əsasları əldə edir.
Yeni işdə iki həftə çalışdıqdan sonra Elnurəyə baş nəzarətçi vəzifəsi verilir. Onun öhdəliklərinə mağazanın və ayaqyolunun gündə iki dəfə təmizlənməsi daxil olur.
“Bu, gözlənilməz idi. Əvvəlcə işdən çıxmaq istəyirdim. Daha sonra anladım ki, Harvard Biznes Məktəbində bizlərə liderliyin vəzifə deyil, insanları uğurlu gələcəyə aparan fəaliyyət öyrədilib”, - məzun deyir.
Beləliklə, E.Həşimova burada 2 ay çalışır. Elnurənin sözlərinə görə, bu, onun həyatdında ən çətin iş olur.
Lakin çalışdığı 2 ay ərzində Elnurə müştərilər, əməkdaşlar və maraqlı tərəflər arasında yüksək səviyyəli brend təsis etmək ideyasını yaradır.
PLd proqramının 250 iştirakıçısı Elnurənin ən yaxın dostlarına çevrilir.
“Bizləri dərin əlaqə, hörmət və bir-birimizə etibar hissi bağlayır. Həyatda bu, çox vacib məqamdır. İstənilən an bir-birimizə məsləhət və ya dəstək üçün müraciət edə bilərik”, - E.Həşimova deyir.
Elnurə Həşimova Harvard Biznes Məktəbində (HBS) Liderliyin İnkişafı Proqramının (PLD) keçmək istəyənlərə məsləhət verib:
“Beyin süngər kimidir. PLD-dən maksimum nəticə əldə etmək üçün proqramın təklif etdiyi bütün bilikləri özünüzə çəkin. Əgər çaqınlıq yaranarsa, hər zaman sizlərə dəstək göstərməyə hazıram”.
Tərcümə: S.Xankişiyeva
