Bakıda tozun miqdarı sanitar normadan 4 dəfə yuxarıdır – RƏSMİ

Bakıda müşahidə olunan toz dumanının səbəbi açıqlanıb.

Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamentindən 1news.az-a verilən məlumata görə, iyulun 25-də Bakı və Abşeron yarımadasında tozun miqdarının sanitar normadan 4 dəfə yuxarı olduğu qeydə alınıb. Buna səbəb ölkə ərazisinə Türkmənistandan atmosfer axınları ilə zəif toz-dumanının daxil olmasıdır.

Qeyd edək ki, atmosferdə müşahidə olunan toz iyulun 27-nə qədər davam edəcək.

1news.az