“Mavi balina”dan sonra daha bir təhlükəli oyun – FOTO
İntihar xəbərləri ilə gündəmə gələn “Mavi balina” oyunundan sonra bu dəfə “Momo” adlı yeni oyun narahatlığa səbəb olub.
1news.az-ın türk mediasına istinadla verdiyi xəbərə görə, Whatsapp üzərindən yayılan oyun bir sıra intihara səbəb olub. Meksikada internet üzərindən cinayətləri araşdıran polis “Momo”nun sosial media qrupu olduğunu açıqlayıb:
“Hər şey Facebook səhifəsində başladı. Bir qrup insan naməlum nömrəyə zəng etmək üçün bir-birlərinə meydan oxuyub. Bir sıra istifadəçi “Momo”ya SMS göndərdiklərini və geri cavab aldıqlarını qeyd ediblər. Aldıqları ismrışda isə şiddət dolu fotonun olduğu bildirilib. Bəzilərinin hədə-qorxu dolu ismarış aldıqlarını, bəzilərinin isə şəxsi məlumatlarının açıqlanacağ ilə bağlı hədələnib”.
Meksika polisi Twitter üzərindən yayılan bu oyunla bağlı xəbərdarlıq etsə də, lakin oyun artıq ABŞ, Fransa və Nepala qədər yayılıb. Hətta işə İspaniya hüquq-mühafizə orqanları da qarışıb.
Polis #SaçmalıklarıGormezdenGelin heşteqindən istifadə edərək, vətəndaşları “Momo”dan uzaq tutmağa çalışır.
“Momo”nun əsas təhlükəsi:
- Şəxsi məlumatlar oğurlanır;
- İnsanları intihara yönləndirir;
- İstifadəçilər təhdid və taciz edilir;
- İstifadəçilərdən məcburi olaraq pul istənilir;
- Oyuna qoşulanlar depressiyaya düşür.
“Momo” əsasən WhatsApp üzərindən yayılsa da, uşaqlar arasında məşhur olan “Minecraft” inşaat oyununun obrazı olaraq görünməyə başlanıb. Virtual cinayət mütəxəssisləri bu cür ismarışlardan uzaq durmağı və bilinməyən nömrələrlə əlaqə qurmamağı tövsiyyə edir.
S.Xankişiyeva
