Mahaçqala-Bakı birbaşa aviareysləri açılacaq
Rusiya Federasiyası Dağıstan Respublikasının paytaxtı Mahaçqala şəhəri ilə Bakı arasında birbaşa aviareyslər açılacaq.
1news.az-ın AZƏRTAC-a istinadən verdiyi xəbərə görə, bu barədə jurnalistlərə Mahaçqala aeroportu baş direktorunun köməkçisi Kamila Qamzatova məlumat verib.
K.Qamzatovanın sözlərinə görə, aviareysin açılması barədə memorandumu IX Azərbaycan-Rusiya Regionlararası Forumu çərçivəsində Mahaçqala aeroportunun baş direktoru Arsen Pirmaqomedov və Azərbaycan Turizm Assosiasiyası İdarə Heyətinin sədri Nahid Bağırov imzalayıblar.
Mahaçqala aeroportu 2014-cü ildə yenidən qurulub. Hazırda hava limanı daxili reyslərdə saatda 200 sərnişin, xarici reyslərdə isə saatda 60 sərnişin qəbul etmək imkanına malikdir. Aeroportun yeni beynəlxalq terminalı tikilir. Terminalın 2019-cu ildə istifadəyə veriləcəyi gözlənilir.
1news.az
