Aktrisa əri ilə tanışlığından danışdı: "... ümumiyyətlə, maraqlanmayıb"
Aktrisa Ülviyyə Əliyeva "Milyonluq quş" filminin təqdimatında fotokameramıza tuş gəlib.
1news.az-ın verdiyi xəbərə görə, gecəyə həyat yoldaşı ilə birgə qatılan aktrisa BiG.AZ-a müsahibə də verib.
- Ülviyyə xanım, bu yaxınlarda ikinci dəfə ailə həyatı qurdunuz. Evlilik həyatınız necə gedir?
- Hər şey yaxşıdır, hamıda necə bizdə də elədir. Yemək də bişirirəm, ev işləri də görürəm, sənətimə də vaxt ayırıram.
- Ailə qurandan sonra ekranlarda daha az-az görünürsüz?
- Deməzdim, yeni verilişimiz hazırlanır. Anonslar hazırlanır. Əvvəllər 4 yerdə işləyirdim, ailə qurandan sonra 5 yerdə işləyirəm (gülür)
- Həyat yoldaşınız qısqancdır?
- Qətiyyən elə bir xüsusiyyəti yoxdur. O ailə quranda da bilirdi ki, mən aktrisayam. Sənətimə görə tez-tez kişi həmkarlarımla görüntülənə, onlarla eyni ekran işindı rol ala bilərəm. Ona görə də hər şeyi nəzərə almışıq. Qısqanc biri deyil, bu da məni sevindirir.
- Övlad sahibi olmaq gözlənilirmi?
- Allah qismət etsə, inşaAllah. Hələ ki yoxdur.
- Yoldaşınızla tanışlığınız necə başladı? Sirr deyilsə bilmək istəyərdik.
- 3 il imiş ki məni sevirmiş, amma mənim xəbərim olmayıb. "Zəhmətkeş ulduzlar" verilişinin rejissoru həyat yoldaşının dayısıdır. Rusiya vətəndaşıdır. Məni həmin verilişin çəkilişindən gələndə görüb bəyənmişdi. Onu da deyim ki, həyat yoldaşım nə filmlərimi izləyib, nə də aparıcılıq etdiyim verilişlərə baxıb. Yaradıcılığımla ümumiyyətlə maraqlanmayıb. İnsan kimi görüb, bəyənib. Sonradan sevgisini etiraf etdi, mən də şans verdim, münasibətimiz gördüyünüz kimi evliliklə nəticələndi.
- Həyat yoldaşınız sizdən öncə ailəli olub. Onun əvvəlki ailəsi ilə münasibətiniz necədir?
- Həyat yoldaşımın əvvəlki evliliyindən bir qız övladı var. Münasibətlərimiz çox yaxşıdır. Çünki bu ailədir. Dırnağı ətdən ayırmaq olmaz. Yoldaşımı istəyirəmsə, ona hörmət edirəmsə, onun keçimişinə də hörmət edəcəm, qızını da çox istəyəcəm. Gözəl münasibətimiz var, çox şükür.
- Əməkdar artist Tünzalə Əliyevanın səhhəti ilə bağlı sosial şəbəkələrdə yayılan müzakirələr haqqında nə deyə bilərsiz?
- O tənqidləri oxumaq mənə xoş gəlmir. Təbii ki, Tünzalə xanıma da xoş gəlmir. Onun vəziyyətini nəzərə alıb, bir az yumşaq danışmaq lazımdır. Həmkarıq, evimə gəlib-gedən adamdır. Onun xərçəng xəstəliyinə yoluxduğunu eşidəndə şok oldum. Mədəkiçiltmə əməliyyatından sonra arıqladı, immuniteti zəiflədi, xəstəlik sağlamlığını üstələdi. Odur ki, bütün izləyənlərə, oxuyanlara məsləhət edirəm ki, öncə immuntetinizi güclü saxlayın. Əvvəlki vaxtlar zəifləyib qrip olurdunsa, indi xərçəng ola bilərsən.
- Nisbətən çəki aldığınız gözümüzdən yayınmadı. Pəhrizi pozmusunuz, deyəsən?!
- Bal ayımız 2 ay çəkdi (gülür). Ona görə də, yediklərimə diqqət etmədim. Amma, dietoloqumla məsləhətləşib yenidən arıqlamağa çalışacam.
- Səmimi müsahibə üçün, təşəkkür edirik.
- Siz sağ olun!
S.Xankişiyeva
