Əflatun Amaşov Yerevanda məsciddə olub – FOTO
Milli Məclisin deputatları Azərbaycanın tarixi memarlıq abidəsi olan Yerevandakı Göy Məsciddə olublar.
1news.az-ın verdiyi xəbərə görə, bu barədə millət vəkili Əflatun Amaşov sosial şəbəkələrdə məlumat paylaşıb.
“Azərbaycanın memarlıq abidələrindən sayılan Göy Məscid 1766-cı ildə İrəvan xanı Hüseynəli xanın göstərişi ilə tikilib. Uzun onilliklər boyu yerli azərbaycanlıların ibadət etdikləri səkkiz məsciddən biri olub.
Zaman ötdükcə başına çox bəlalar gəlib: 24 metrlik dörd minarəsinin üçü sökülüb, müxtəlif illərdə planetariyaya, məktəbə çevrilib, iki dəfə yandırılıb. Və nəhayət, İran tərəfindən bərpa edilib, hazırda İranın Ermənistandakı mədəniyyət mərkəzlərindən biri hesab edilir”, - deyə millət vəkili qeyd edib.
Əflatun Amaşov Göy Məsciddən fotolar da paylaşıb.
S.Xankişiyeva
