Ekspetdən neftlə bağlı proqnoz
Dünya bazarlarında neftin qiymətindəki kəskin eniş daha çox psixoloji amillərlə bağlıdır.
1news.az xəbər verir ki, bunu iqtisadçı ekspert Pərviz Heydərov bildirib.
ABŞ qoşunlarını Suriyadan çıxardır, Amerikanın mərkəzi bankı sayılan FES bu günlərdə faiz dərəcəsini yenə artırdı, ABŞ-Çin ticarət müharibəsi dondurulmuş vəziyyətdədir, Avropa İttifaqı iqtisadiyyatında bir az əvvəl başlanmış iqtisadi irəliləmədə durğunluq yaranıb və sair... Neftin qiymətinə təsir edən məhz bu amillərdir”,- deyə iqtisadçı vurğulayıb.
P.Heydərov əlavə edib ki, bazarda təklifdə bir az izafilik mövcuddur:
“Belə ki, ABŞ-da gündəlik hasilat artıb. OPEC+ ölkələri dekabrda keçirdikləri görüşdə hasilatı azaltmaq barədə qərar qəbul etsələr də, bu, təklifi normallaşdırmadı. Çünki qərarın gücü bunun üçün yetərli səviyyədə deyil. Sözün qısası, iqtisadi səbəblər də kifayət qədərdir. Odur ki, bu cür vəziyyət bir müddət davam edəcək. Və etməlidir də...
O ki qaldı qiymətlərdə stabilliyin yaranması məsələsinə, bu, OPEC+ ölkələrinin növbəti dəfə hasilatı azaldacağı haqda qərar qəbul edəcəyi halda mümkündür. Hansı ki, buna isə hələ var. Belə ki, çox güman, 2019-cu ilin mayına kimi qiymətlər bu cür "oynayacaq". Və qiymətlərdə sabitliik qısamüddətli olaraq müşahidə ediləcək... Ancaq neftə tələbat həmişə olduğu kimi azalan xətt üzrə deyil, artan xətt üzrə inkişaf edəcək. Odur ki, neftin qiyməti 40 dollardan aşağı düşən deyil".
1news.az
