Bakıda ilk dəfə kouçinq və liderlik konfransı keçiriləcək
Kouçinq – müasir iş dünyasının yüksələn trendidir. O, müsbət dəyişikliklər və faydalı öyrənmə üçün əvəzsiz fürsətlər yaradır.
Dünyanın qabaqcıl şirkətləri qurumdaxili ab-havanın yaxşılaşdırılması, korporativ mədəniyyətin möhkəmləndirilməsi, əməkdaşların motivasiya və performanslarının yüksəldilməsi üçün bu dəyərli alətdən geniş şəkildə istifadə edirlər.
5 aprel 2019-cu ildə Bulvar Hoteldə baş tutacaq kouçinq və liderlik konferansı bu sahədə dünyanın qabaqcıl və sınaqdan keçmiş təcrübələrini paylaşmağı öz qarşısına məqsəd qoyub. Konfrans Azərbaycan, Türkiyə, Rusiya, Birləşmiş Ərəb Əmirlikləri, Birləşmiş Krallıq və Kanadadan tanınmış mütəxəssisləri bir araya gətirən unikal platformadır.
Tədbirin builki sloqanı – “İndi dəyişiklik zamanıdır”.
Konfrans ALPHA Coaching & Consulting şirkətinin təşkilatçılığı, Beynəlxalq Kouç Federasiyasının, Azərbaycanda Amerika Ticarət Palatasının və Azərbaycan Banklar Assosiyasının tərəfdaşlığı ilə həyata keçirilir.
Tədbirin media tərəfdaşı – 1news.az informasiya agentliyidir.
Biletlər konfransın rəsmi veb səhifəsində əldə etmək olar: www.clcbaku.com
S.Xankişiyeva
