UEFA koronavirusla mübarizə üçün AFFA-ya 4,3 milyon avro ayırdı
UEFA koronavirusla mübarizə çərçivəsində quruma üzv olan 55 milli assosiasiyaya maliyyə yardımı ayırıb.
1news.az qurumun rəsmi saytına istinadən xəbər verir ki, vəsait ümumilikdə 236,5 milyon avro təşkil edir.
Bildirilib ki, məbləğ hazırkı xərcləri ödəmək və yerli futbolu inkişaf etdirmək məqsədilə assosiasiyalar arasında bölüşdürüləcək. Hər federasiyanın hesabına 4,3 milyon avro məbləğində vəsait köçürüləcək.
Bununla yanaşı, qitə futbol qurumu koronavirusun futbola mənfi təsiri fonunda hər bir assosiasiyaya bütün səviyyələrdə öz prioritetlərini təyin etməyə icazə verib.
Qeyd edək ki, HatTrick yardım proqramı ümumiyyətlə milli assosiasiyalara əməliyyat xərclərini qarşılamaq və futbolun müəyyən sahələrinin məqsədyönlü inkişafı üçün vəsait ayırır. Bu dəfə UEFA, bütün səviyyələrdə koronavirus epidemiyasının futbola mənfi təsiri fonunda hansı vəzifələrin həll olunmasının lazım olduğunu assosiasiyaların özlərinə həvalə edib.
UEFA prezidenti Alexander Cheferin assosiasiyalara maliyə yardımı ayrılması ilə bağlı deyib:
“İdmanımız COVID-19 böhranının yaratdığı misli görünməmiş bir sınaqla qarşı-qarşıyadır. UEFA, assosiasiyalarına problemlərinə xüsusi hallarda uyğun olan şəkildə cavab verməkdə kömək etmək istəyir. Bu pullar assosiasiyalar tərəfindən futbol ictimaiyyətini lazımi formada bərpa etmək üçün istifadə edilə bilər.
İnanıram ki, kömək etmək üçün məsuliyyətli bir qərar verdik. Mövcud böhran dövründə futbolun nümayiş etdirdiyi birlikdən qürur duyuram. Şübhəsiz ki, adət etdiyimiz həyat tərzinə qayıtma prosesinin mərkəzində futbol olacaq. Bu an gələndə futbol cavab verməyə hazır olmalıdır”.
1news.az
