Çempionlar Liqası: “Liverpul”la “Porto” 1/8 finalda, “Real” məğlub oldu

Çempionlar Liqasında V tur başlayıb.

1news.az-ın Apasport.az-a istinadən verdiyi xəbərə görə, ilk oyun günündə 8 oyun keçirilib.

A, B, C və D qruplarında matçlar baş tutub. Turnirin son qalibi “Bavariya” 1-ci yeri təmin etdiyi A qrupunda “Atletiko” ilə heç-heçə edib. “Lokomotiv” isə “Zalsburq”a məğlub olub.

“Şaxtyor” “Real”ı ikinci dəfə məğlub etməklə B qrupunda 2-ci pilləyə yüksəlib. Mönhenqladbax “Borussiya”sı “İnter”ə uduzsa da, liderliyini qoruyub. B qrupunda son tur ərəfəsində bütün komandalar 1/8 final şansını saxlayıb. 

“Porto” ilə üz-üzə gələn “Mançester Siti” ilk xal itkisinə üzülüb. Bu nəticə ingiltərəlilərə C qrupunun qalibi adını qazandırıbsa, “Porto” 1/8 finala vəsiqəni təmin edib. Autsayderlərin görüşündəki “Marsel” “Olimpiakos”u üstələyib.

D qrupunun lideri “Liverpul” “Ayaks” üzərində qələbə ilə 1/8 finala vəsiqəni təmin edib. “Atalanta” qrup sonuncusu “Midtülland”la heç-heçə oynayıb.

Çempionlar Liqası
Qrup mərhələsi
V tur
1 dekabr

A qrupu
21:55. “Lokomotiv” (Rusiya) - “Zalsburq” (Avstriya) - 1:3
Mirançuk, 79 (pen.) - Berişa, 28, 41, Adeyemi, 81
00:00. “Atletiko” (İspaniya) - “Bavariya” (Almaniya) - 1:1
Joao Feliks, 26 - Müller, 86 (pen.)

B qrupu
21:55. “Şaxtyor” (Ukrayna) - “Real” (İspaniya) - 2:0
Dentinyo, 57, Solomon, 82
00:00. “Borussiya” (Mönhenqladbax, Almaniya) - “İnter” (İtaliya) - 2:3
Plea, 45+1, 76 - Darmian, 17, Lukaku, 64, 73

C qrupu
00:00. “Marsel” (Fransa) - “Olimpiakos” (Yunanıstan) - 2:1
Payet, 55 (pen.), 75 (pen.) - Kamara, 33
00:00. “Porto” (Portuqaliya) - “Mançester Siti” (İngiltərə) - 0:0

D qrupu
00:00. “Liverpul” (İngiltərə) - “Ayaks” (Niderland) - 1:0
Cons, 58
00:00. “Atalanta” (İtaliya) - “Midtülland” (Danimarka) - 1:1
Romero, 79 - Şols, 13

1news.az