Azərbaycan Prezidenti: Ermənistan bizə basdırdıqları bütün yüz minlərlə minaların xəritəsini verməlidir | 1news.az | Xəbərlər
Siyasət

Azərbaycan Prezidenti: Ermənistan bizə basdırdıqları bütün yüz minlərlə minaların xəritəsini verməlidir

16:17 - 12 / 06 / 2021
Azərbaycan Prezidenti: Ermənistan bizə basdırdıqları bütün yüz minlərlə minaların xəritəsini verməlidir

Ermənistan bizə bütün minaların, basdırdıqları bütün yüz minlərlə minaların xəritəsini verməlidir.

1news.az bildirir ki, bunu Prezident İlham Əliyev iyunun 12-də Qvatemala Respublikasının, İrlandiyanın, Albaniya Respublikasının, Norveç Krallığının, Monteneqro Respublikasının, Estoniya Respublikasının, Somali Federativ Respublikasının, Yeni Zelandiyanın, Sloveniya Respublikasının və Danimarka Krallığının ölkəmizdə yeni təyin olunmuş qeyri-rezident səfirlərinin etimadnamələrini qəbul edərkən deyib.

Dövlət başçısı bildirib:

"Əgər onlar bunu etməsələr, bu, bir daha bu ölkənin terrorçu xislətini nümayiş etdirəcək. Ərazini təmizləyəndən sonra bununla paralel olaraq biz şəhər və kəndlərimizin bərpasına və yenidən qurulmasına başlayacağıq. Bu, böyük ərazidir, on min kvadratkilometrdən çoxdur. Bu ərazi ordumuz tərəfindən, Dağlıq Qarabağ münaqişəsinə son qoymuş Azərbaycan, Rusiya Prezidentlərinin və Ermənistan baş nazirinin ötən il 10 noyabr tarixli birgə Bəyanatı nəticəsində azad edilib. Ötən il noyabrın 10-da imzalanmış Bəyanat, bəzi ölkələrin təqdim etmək istədiyi kimi, sadəcə, atəşkəs barədə Bəyanat deyil. Bu, atəşkəsdən daha böyük sənəddir, çünki burada gələcəkdə hadisələrin necə inkişaf edəcəyi, necə davam edəcəyi açıq-aydın göstərilir. O, kommunikasiyaların açılmasını təmin edir, sülhməramlı əməliyyatları təmin edir, o, regionda gələcək əməkdaşlığa dair Bəyanatdır. Ona görə də, bu, bəzilərinin təqdim etmək istədiyi kimi atəşkəs sənədi deyil. Bu, Azərbaycanla Ermənistan arasında sülh sazişi üçün bünövrədir. Əfsuslar olsun ki, bizim Ermənistanla sülh razılaşmasına dair danışıqlara başlamağa hazır olmağımızla bağlı açıq bəyanatlarımız Ermənistan hökuməti tərəfindən cavablandırılmır. Bizim Ermənistanla dövlət sərhədinin delimitasiyası üzrə danışıqlara başlamaqla bağlı böyük beynəlxalq tərəflərin dəstəklədiyi təklifimizə də Ermənistan hökuməti məhəl qoymur. Biz bunu başa düşə bilmirik".

1news.az

Paylaş:
153

Son xəbərlər

AZAL-ın təyyarələri Qarabağ səmasında ilk dəfə radioçağırış siqnalları alıbBu gün, 16:12Prezidentin köməkçisi: “Epidemioloji vəziyyət pisləşsə, qapanmaya getməyə məcbur olacağıq”Bu gün, 15:56Tələbə köçürülməsi üçün sənəd qəbulunun vaxtı uzadılıbBu gün, 15:43Şahmar Mövsümov vətəndaşlara çağırış etdiBu gün, 15:31“İrəli” rebrendinq keçirib - FOTOBu gün, 15:26Tələbələrdən COVID-19 pasportu tələb olunacaqBu gün, 15:16Xəzər İbrahim Azərbaycanın ABŞ-dakı səfiri təyin edildiBu gün, 15:09Bu yerlərdə qapalı məkanda göstərilən xidmətlərdən COVID-19 pasportu olanlar istifadə edə biləcəkBu gün, 15:08Bu sahədə çalışanlardan peyvənd və ya immunitet sertifikatı tələb olunacaqBu gün, 15:03Nazirlər Kabineti xüsusi karantin rejimi ilə bağlı qərar veribBu gün, 15:00Gədəbəydə 17 yaşlı şəxs elektrik cərəyanının vurması nəticəsində ölübBu gün, 14:32Cəlilabadın sabiq icra başçısının həbs müddəti uzadılıbBu gün, 14:23Anar Məhərrəmov Estoniyada səfir təyin edilibBu gün, 14:13Sabah hava necə olacaq? - ProqnozBu gün, 14:04Sosial şəbəkələrdə “patı” satan şəxs saxlanıldı - VİDEOBu gün, 14:02Fuad İsgəndərov Azərbaycanın İsveçrədəki səfiri təyin edilibBu gün, 14:01Azərbaycanın Belçika Krallığında yeni səfiri təyin edildiBu gün, 13:47Türkiyəyə səfir təyin olunan Qarabağ veteranı kimdir? - Rəşad Məmmədovun DOSYESİBu gün, 13:41Azərbaycanın beynəlxalq təşkilatlar yanında yeni daimi nümayəndəsi təyin edildiBu gün, 13:38Azərbaycanın Türkiyəyə yeni səfiri təyin edildiBu gün, 13:21
Bütün xəbərlər

Next TV