Ağdam rayonu üzrə mina xəritələrinin Azərbaycana təqdim edilməsi Ermənistanın artıq yeni reallıqlarla barışmasının təsdiqidir - Vüqar Rəhimzadə | 1news.az | Xəbərlər
Siyasət

Ağdam rayonu üzrə mina xəritələrinin Azərbaycana təqdim edilməsi Ermənistanın artıq yeni reallıqlarla barışmasının təsdiqidir - Vüqar Rəhimzadə

10:54 - 14 / 06 / 2021
Ağdam rayonu üzrə mina xəritələrinin Azərbaycana təqdim edilməsi Ermənistanın artıq yeni reallıqlarla barışmasının təsdiqidir - Vüqar Rəhimzadə

“Tarixi Zəfərimizdən sonra Azərbaycanın həyatında yeni mərhələyə-işğaldan azad edilmiş ərazilərimizdə bərpa və quruculuq işlərinə start verilib. Bu işlərin sürəti xeyli dərəcədə hər zaman qeyd edildiyi kimi, ərazilərimizin minalardan təmizlənməsindən asılıdır. Çünki düşmən işğalından azad edilmiş torpaqlarımızda təhlükəsizliyi təmin etmədən bərpa və quruculuq işlərinin həyata keçirilməsi mümkünsüzdür".

1news.az xəbər verir ki, bu fikirləri “İki sahil” qəzetinin baş redaktoru, siyasi elmlər doktoru Vüqar Rəhimzadə bildirib:

"Təəssüflər olsun ki, 10 noyabr 2020-ci il tarixli üçtərəfli Bəyanatın imzalanmasından 7 ay keçsə də məğlub Ermənistan beynəlxalq konvensiyaların tələblərini kobud şəkildə pozaraq minalanmış sahələrin xəritələrini Azərbaycana vermək istəmirdi və bununla da düşmən 100-dən artıq hərbçimizin, mülki vətəndaşlarımızın minaya düşərək həlak olmasına, yaxud yaralanmasına səbəb olmuşdur. Azərbaycan dövləti 10 noyabr Bəyanatının imzalanmasından dərhal sonra mütəmadi olaraq bununla bağlı sərt mövqeyini ortaya qoyaraq beynəlxalq birliyə çağırış edir, Ermənistandan bu xəritələrin alınmasını bir tələb kimi irəli sürür. Reallıq bundan ibarətdir ki, artıq Dağlıq Qarabağ münaqişəsi tarixə qovuşub. Regionda sülhün və təhlükəsizliyin bərqərar olması istiqamətində yeni səhifə açılır, Azərbaycan qarşı tərəfə sülh razılaşması ilə bağlı təkliflərini təqdim edir, amma Ermənistan bu reallıqlarla barışmaq əvəzinə təxribatçı əməllərini davam etdirir.”

V.Rəhimzadə vurğulayıb ki, Ermənistanın iyunun 12-də Ağdam rayonu üzrə tank və piyada əleyhinə 97 min minanı özündə əks etdirən xəritələri Azərbaycan tərəfinə təqdim etməsi artıq təcavüzkar dövlətin 44 günlük İkinci Qarabağ müharibəsinin yaratdığı yeni reallıqlarla barışmasının təsdiqidir: “Ermənistan 44 günlük müharibə dövründə Azərbaycanın “Dəmir yumruq” əməliyyatının nəyə qadir olduğunu gördü. Ən əsası 30 ilə yaxın müddətdə ona havadarlıq edən dövlətlərin dəstəyinə arxalanaraq beynəlxalq hüququn norma və prinsiplərini kobud şəkildə pozmağın, BMT Təhlükəsizlik Şurasının qərar və qətnamələrinə əməl etməməyin sonda hansı nəticələrə gətirib çıxardığının şahidi oldu. Azərbaycan Vətən müharibəsinin gedişində BMT Təhlükəsizlik Şurasının və digər təşkilatların qərar və qətnamələrini təkbaşına icra etməklə bir daha bütün dünyaya sübut etdi ki, beynəlxalq hüquq mövcuddur və hər bir məsələnin həllində mütləqdir. Gec-tez haqqın, ədalətin bərpası qaçılmazdır. Bu baxımdan Ermənistanın Ağdam rayonu üzrə mina xəritələrini Azərbaycana təqdim etməsi növbəti siyasi və diplomatik uğurumuzdur.”

Baş redaktor bildirib ki, Prezident İlham Əliyev iyunun 12-də on ölkənin Azərbaycanda yeni təyin olunmuş qeyri-rezident səfirlərinin etimadnamələrini qəbul edərkən də bu məsələyə xüsusi diqqət yönəltmişdir: “Müharibədən sonra regionda yeni reallıq, yeni vəziyyət yarandığını və Azərbaycanın işğaldan azad olunmuş ərazilərimizin yenidən qurulması prosesinə dərhal başladığını önə çəkən dövlətimizin başçısı bir daha vurğuladı ki, vandalizm və barbarlıq - işğal illəri ərzində Ermənistan dövlətinin torpaqlarımızda etdiklərini göstərmək üçün bu iki sözdən istifadə etmək olar. İndi yüz minlərlə azərbaycanlı geriyə qaytarılmalıdır. Lakin minalara görə bunu etmək mümkün deyil. Ermənilər tərəfindən yüz minlərlə mina basdırılmış və müharibə dayanandan sonrakı son yeddi ay ərzində 100-dən çox azərbaycanlı Ermənistanın Azərbaycana mina xəritələrini vermədiyinə görə həlak olub və ya yaralanıb. “Bu yaxınlarda beynəlxalq təşkilatların fəal təmasları sayəsində biz ermənilərin basdırdığı minalar haqqında müəyyən informasiyanın alınmasına yaxınlaşırıq” söyləyən Prezident İlham Əliyev bu inamı da ifadə etmişdir ki, tezliklə yaxşı xəbərlər olacaq. Ermənistan bizə bütün minaların, basdırdıqları bütün yüz minlərlə minaların xəritəsini verməlidir.”

“İyunun 12-də Ağdam rayonu üzrə mina xəritələrinin Azərbaycana verilməsi Prezident İlham Əliyevin ifadə etdiyi əminliyin, dövlətimizin uğurlu siyasətinin nümayişidir” söyləyən V.Rəhimzadə Xarici İşlər Nazirliyinin məlumatına istinadən bildirib ki, əldə edilmiş razılığa əsasən, 2021-ci il iyunun 12-də Ermənistanın Ağdam rayonu üzrə tank və piyada əleyhinə 97 min minanı özündə əks etdirən xəritələri Azərbaycan tərəfinə təqdim etməsi müqabilində saxlanılan 15 nəfər erməni Azərbaycan-Gürcüstan sərhədində Gürcüstan nümayəndələrinin iştirakı ilə Ermənistana təhvil verilib. Bu humanitar aksiyanın həyata keçirilməsində Gürcüstanın Baş naziri İrakli Qaribaşvili başda olmaqla Gürcüstan Hökumətinin dəstəyi, ABŞ dövlət katibi Antoni Blinken başda olmaqla, dövlət katibinin Avropa və Avrasiya məsələləri üzrə köməkçisi vəzifəsini icra edən Filip Rikerin, Avropa İttifaqı Şurasının Prezidenti Şarl Mişelin və ATƏT-in İsveç sədrliyinin vasitəçilik rolu xüsusi qeyd edilir.

Baş redaktor mayın 28-də dövlətimizin başçısı İlham Əliyevin işğaldan azad edilmiş Ağdam şəhərinə növbəti səfəri çərçivəsində Ağdam şəhərinin Baş Planının təqdim olunması mərasimini xatırladaraq Ermənistanın Ağdam rayonu üzrə tank və piyada əleyhinə 97 min minanı özündə əks etdirən xəritələri Azərbaycan tərəfinə təqdim etməsinin nəzərdə tutulan işlərin qısa zamanda görülüb başa çatdırılacağına dəstəyini xüsusi vurğulayıb: “Mina xəritələrinin əldə edilməsi on minlərlə vətəndaşımızın, o cümlədən minatəmizləyənlərin həyatını və sağlamlığını təhlükədən xilas edəcək. Həmçinin təməli qoyulan sosial layihələrin icrası sürətlənəcək, 30 ilə yaxın dövrdə öz doğma yurd-yuvasına qayıtmağı səbirsizliklə gözləyən soydaşlarımıza tarixi Qələbəmizin bəxş etdiyi sevinc Böyük Qayıdışın reallığa çevrilməsi ilə onların “artıq biz qaçqın deyilik” istəklərini həyata keçirəcək. Artıq Böyük Qayıdış tezləşir. Dövlətimizin başçısı İlham Əliyevin Ağdam ictimaiyyəti ilə görüşündə qeyd etdiyi kimi, elə bir Ağdam qurulacaq ki dünya üçün örnək olacaq. Nəzərdə tutulmuş bütün məsələlər öz həllini tapacaq və bundan sonra Ağdam rayonunda çox görüşəcəyik. Bu gün buradayıq və bundan sonra əbədi burada olacağıq.”

1news.az

Paylaş:
95

Son xəbərlər

Rəşad Nəbiyev Azərbaycanın startap ekosisteminin nümayəndələri ilə görüşdü - FOTO24 / 07 / 2021, 18:07Əcnəbi jurnalistlər Ağdamda olub - FOTO24 / 07 / 2021, 17:41Cəbrayılın Sofulu kəndi - VİDEO24 / 07 / 2021, 17:07Bir qrup media və QHT nümayəndəsi jurnalistlər üçün tikilən binanın şəhid ailələrinə verilməsi üçün müraciət ediblər24 / 07 / 2021, 17:00Toylarda monitorinqlər: 83 nəfər 55 500 manat məbləğində cərimələnib24 / 07 / 2021, 16:35Boksçumuz Tokio Olimpiadasına qələbə ilə başlayıb24 / 07 / 2021, 16:16“S&P” Azərbaycanın kredit reytinqlərini “stabil” səviyyədə saxlayıb24 / 07 / 2021, 15:36Polis bir neçə şəhər və rayonda “patı” satanları saxlayıb – VİDEO24 / 07 / 2021, 15:14Xocavənddə minalanmış ərazidəki yanğın söndürülüb - VİDEO24 / 07 / 2021, 14:56Serbiya xarici işlər naziri Azərbaycana səfərə gəlir24 / 07 / 2021, 14:22Azərbaycan Ordusunun Kəlbəcərdə şəhid olan giziri dəfn edilib – FOTO – YENİLƏNİB24 / 07 / 2021, 13:50İstirahət günü hava küləkli olacaq24 / 07 / 2021, 13:36Şəhid oğluna Şuşa Rayon Polis Şöbəsində vəzifə verildi24 / 07 / 2021, 13:16Azərbaycanda təyyarə ilə sərnişin daşımaları qaydası dəyişib24 / 07 / 2021, 13:01Şahin Seyidzadə Qobustan Gənclər Mərkəzində qəbul keçirib – FOTO24 / 07 / 2021, 12:56Şirvanda “patı” əməliyyatı keçirilib: 5 nəfər saxlanılıb – FOTO24 / 07 / 2021, 12:39DİN: Alpinistlərin xatirəsinə quraşdırılan bürünc lövhə tapılıb24 / 07 / 2021, 12:30Bölgələrdə rəqəmsal savadlılığın artırılmasının həlli yolları – Rəqəmsallaşma bizə nələr qazandıracaq?24 / 07 / 2021, 12:08Bakı qeydiyyatı olan avtomobillərə yeni nömrə nişanları verilir - FOTO24 / 07 / 2021, 11:48“Zubrları təbiətimizə qaytaraq!” ekoloji yay düşərgəsi başa çatıb – FOTO24 / 07 / 2021, 11:25
Bütün xəbərlər

Next TV