“Müharibə veteranı” adı, vəsiqəsi və təqaüdünün necə veriləcəyi açıqlanıb | 1news.az | Xəbərlər
İqtisadiyyat

“Müharibə veteranı” adı, vəsiqəsi və təqaüdünün necə veriləcəyi açıqlanıb

S.Xankişiyeva11:59 - 08 / 01 / 2022
“Müharibə veteranı” adı, vəsiqəsi və təqaüdünün necə veriləcəyi açıqlanıb

Prezident İlham Əliyevin 29 dekabr 2021-ci il tarixli Sərəncamı ilə Vətən müharibəsi iştirakçılarına “Müharibə veteranı” adının, vəsiqəsinin verilməsi və Prezidentin təqaüdünün təyin edilməsi istiqamətində işlər aparılır.

Qanunvericiliyə uyğun olaraq, onlara “Müharibə veteranı” adı və vəsiqəsi xidmət keçdikləri (qulluq etdikləri, işlədikləri) qurum tərəfindən veriləcək.

Əmək və Əhalinin Sosial Müdafiəsi Nazirliyindən 1news.az-a verilən məlumata görə, həmin qurumlar (Müdafiə, daxili işlər, ədliyyə, fövqəladə hallar nazirlikləri, Dövlət Sərhəd Xidməti, Prezidentin Təhlükəsizlik Xidməti, Səfərbərlik və Hərbi Xidmətə Çağırış üzrə Dövlət Xidməti, Xüsusi Rabitə və İnformasiya Təhlükəsizliyi Dövlət Xidməti, Strateji Obyektlərin Mühafizəsi Dövlət Agentliyi və s.) onlarda xidmət keçən (qulluq edən, işləyən) və 2020-ci il sentyabrın 27-dən noyabrın 10-dək ölkəmizin ərazi bütövlüyü uğrunda döyüşlərdə iştirak etmiş şəxslərin siyahısını Nazirlər Kabineti ilə razılaşdırmaqla, “Müharibə veteranı” adı və vəsiqəsi verəcək.

Həmin qurumlar “Müharibə veteranı” adı və vəsiqəsi verdikləri şəxslər barədə məlumatları Əmək və Əhalinin Sosial Müdafiəsi Nazirliyinin “Zəfər” altsisteminə daxil edəcək.

Yekun mərhələ kimi, həmin məlumatlar əsasında Əmək və Əhalinin Sosial Müdafiəsi Nazirliyi “Müharibə veteranı” adı verilmiş şəxslərə Prezidentin aylıq təqaüdünü (80 manat) təyin edəcək.

Təqaüdün təyinatı müharibə veteranının müraciəti olmadan və heç bir sənəd təqdim etmədən, e-sistem üzərindən proaktiv qaydada həyata keçiriləcək. Bu barədə, həmçinin təqaüdlə bağlı bank kartını hansı bankdan alacağı və s. haqqında sms vasitəsilə müharibə veteranlarına məlumat veriləcək.

Hansı ayda təyin edilməsindən asılı olmayaraq, təqaüd 2022-ci ilin 1 yanvar tarixindən hesablanaraq vətəndaşın bank kartına köçürüləcək.

Paylaş:
109

Son xəbərlər

AMADA dopinqin qanunsuz dövriyyəsinə qarşı mübarizəni gücləndirəcəkBu gün, 17:47Əmək qanunvericiliyinə dair qərarların icra edilməməsinə görə cərimələr müəyyənləşibBu gün, 17:41Füzuli sakinləri pulemyot satarkən tutulublar – FOTO – VİDEOBu gün, 17:32Azərbaycan Cüdo Federasiyası kütləvi yoluxma ilə bağlı açıqlama yayıbBu gün, 17:28Buzlu yolla qalxmaq istəyən avtomobil sürüşüb divara çırpıldı - VİDEOBu gün, 17:23Xəzərdən nərə balıqlarını qanunsuz ovlayan şəxslərə cinayət işi açılıbBu gün, 17:19Kürdəmir sakinindən heroin və tiryək götürülübBu gün, 17:00Bərdədə 4800 şəhidin paltarlarının basdırıldığı yer abadlaşdırılıb - FOTOBu gün, 16:54Ötən gün Azərbaycanda 29515 vaksin vurulub - STATİSTİKABu gün, 16:44Azərbaycanda 27 yanvara olan koronavirus statistikası açıqlandıBu gün, 16:33Məktəblərdə tədrislə bağlı əsas problemlər açıqlanıbBu gün, 16:32DOST mərkəzlərində yeni xidmətlər istifadəyə verilibBu gün, 16:15Azərbaycanda 3 helikopter satışa çıxarılır - FOTOBu gün, 16:10Putin Ərdoğanın dəvətini qəbul edibBu gün, 16:07AAYDA və “Azərsu” vətəndaşlara müraciət ediblər - FOTOBu gün, 15:54“Türkiyə bursları” təqaüd proqramına sənəd qəbulu aparılırBu gün, 15:49Qum adasında şirkətdən oğurluq edən şəxslər tutulub - VİDEOBu gün, 15:20Prezident və Birinci xanım Tədris və Xidmət Kompleksinin açılışında iştirak ediblər - FOTO - YENİLƏNİBBu gün, 15:11AMEA-da yeni təyinatlar olubBu gün, 14:52Bakı polisi Avropada yaşayan bloger və jurnalist barəsində axtarış elan edib – FOTOBu gün, 14:46
Bütün xəbərlər

Next TV