Azərbaycan neftinin qiyməti 92 dolları ötüb

Azərbaycan neftinin qiyməti bahalaşmaqda davam edir.

1news.az AZƏRTAC-a istinadən xəbər verir ki, “Azeri Light” markalı neftin bir barelinin qiyməti 1,93 dollar artaraq 92,49 dollar olub.

Qeyd edək ki, Azərbaycan neftinin bir bareli sonuncu dəfə 2014-cü il oktyabrın 9-da 92 dollardan baha (92,84) satılıb.

Xatırladaq ki, Azərbaycan neftinin bir barelinin bu il ərzində maksimum qiyməti yanvarın 19-da (90,56) qeydə alınmışdı.

1news.az