Azərbaycan və Qırğız Respublikası arasında imzalanan iki sənəd təsdiqləndi
Prezident İlham Əliyev “Azərbaycan Respublikası və Qırğız Respublikasının Dövlətlərarası Şurasının yaradılması haqqında” Memorandumun təsdiq edilməsi barədə Azərbaycan Respublikasının Qanununu imzalayıb.
1news.az dövlət başçısının rəsmi saytına istinadən xəbər verir ki, Sənədlə “Azərbaycan Respublikası və Qırğız Respublikasının Dövlətlərarası Şurasının yaradılması haqqında” 2022-ci il aprelin 20-də Bakı şəhərində imzalanmış Memorandum təsdiq edilib.
***
Dövlət başçısı, həmçinin, “Azərbaycan Respublikası Hökuməti ilə Qırğız Respublikası Nazirlər Kabineti arasında hava əlaqəsi haqqında” Sazişin təsdiq edilməsi barədə Azərbaycan Respublikasının Qanununu da imzalayıb.
Qanuna əsasən, “Azərbaycan Respublikası Hökuməti ilə Qırğız Respublikası Nazirlər Kabineti arasında hava əlaqəsi haqqında” 2022-ci il aprelin 20-də Bakı şəhərində imzalanmış Saziş təsdiq edilib.
