Nazir özəl sektora verilən güzəştli kreditlərin məbləğini açıqladı

Özəl sektora dövlət dəstəyi çərçivəsində Sahibkarlığın İnkişafı Fondu tərəfindən bu ilin əvvəlindən 1.384 layihənin maliyyələşdirilməsinə 53,9 mln. manat güzəştli kredit verilib.

1news.az-ın məlumatına görə, bunu iqtisadiyyat naziri Mikayıl Cabbarov "Twitter" səhifəsində bildirib.

"Kreditlərin layihə sayı üzrə 99,9%-i, kreditin məbləği üzrə 96,3%-i mikro, kiçik və orta sahibkarlıq subyektlərinin payına düşür. Verilmiş kreditlər 1.379 yeni iş yerinin yaradılmasına imkan verir", - nazir deyib.