Məktəbdə şagird sinif yoldaşını döyüb videoya çəkdi - YENİLƏNİB - VİDEO | 1news.az | Xəbərlər
Cəmiyyət

Məktəbdə şagird sinif yoldaşını döyüb videoya çəkdi - YENİLƏNİB - VİDEO

10:49 - 04 / 10 / 2022
Məktəbdə şagird sinif yoldaşını döyüb videoya çəkdi - YENİLƏNİB - VİDEO

Sosial şəbəkələrdə məktəblərdən birində şagirdin sinif otağında məktəbli yoldaşı tərəfindən döyülməsinin görüntüləri yayılıb.

Bakı şəhəri 112 nömrəli tam orta məktəbdə şagirdlərin uyğunsuz davranışı ilə bağlı BŞTİ və məktəb tərəfindən həyata keçirilən tədbirlərə dair 1news.az-a açıqlamasında məsələ ilə bağlı Bakı Şəhəri üzrə Təhsil İdarəsi tərəfindən müvafiq araşdırma aparıldığı bildirilib:

“Bakı Şəhəri üzrə Təhsil İdarəsinin Təlimə Dəstək Mərkəzinin psixoloqları da məktəbdə olub, uşaqlarla zəruri söhbət aparılıb, müvafiq dəstəkləyici tədbirlərin həyata keçirilməsi qərara alınıb.

Qeyd edək ki, məktəbdaxili münasibətlərin düzgün tənzimlənməsi hər zaman diqqət mərkəzində saxlanılır və bununla bağlı zəruri maarifləndirmə işləri görülür”.

112 nömrəli tam orta məktəbdən 1news.az-a verilən məlumata görə, hadisə tənəffüs zamanı baş verib:

“Bakı şəhəri 112 nömrəli tam orta məktəbdən verilmiş məlumatda qeyd olunur ki, sosial şəbəkələrdə şagirdlərin uyğunsuz davranışı ilə bağlı yayılan görüntülər 30 sentyabr tarixində tənəffüs zamanı baş verib.

Həmin şagirdlər arasında əvvəllər heç bir mübahisə yaranmayıb. Görüntüləri çəkən şagird həmin gün məktəbə iki mobil telefon gətirərək birini sinif rəhbərinə təhvil versə də, digərini özündə saxlayıb.

Sinif rəhbəri hadisədən xəbərdar olan kimi şagirdlərlə söhbət aparıb. Onlar səhvlərini anladıqlarını və artıq barışdıqlarını bildiriblər.

Məktəb rəhbərliyi tərəfindən şagirdlərdən və onların valideynlərindən izahat alınıb, psixoloqlar tərəfindən məktəblilərlə müvafiq istiqamətdə söhbət aparılıb.

Məsələ ilə bağlı hüquq-mühafizə orqanlarına da məlumat verilib.

Məktəbdaxili nizam-intizam qaydalarına əməl etməyin zəruriliyi bir daha şagirdlərin diqqətinə çatdırılıb”.

***

Məsələ ilə bağlı “İnformasiya Təşəbbüslərinə Dəstək” İctimai Birliyinin sədri Cəsarət Hüseynzadə 1news.az-a bildirib ki, bu hərəkət təkcə məktəbdə deyil ayrı-ayrı sferalarda da mövcuddur:

“Problem bir şagirdin qoçuluğu, vəhşiliyi, şagirdin bu hərəkətini bir neçə formada da adlandıra bilərik deyil. Çünki ayrı -ayrı fərdlərlə bağlı problemlər hər zamanda və hər cəmiyyətdə mövcud olub və olacaqdır.
Problem cəmiyyətimzdə formalaşan laqeyidlik sindromudur. Bu sindrom təkcə məktəbdə deyil, bütün sferalarda özünün ən iyrənc formasını almaqdadır. Və bunu formalaşdıranlar da bizik”.

***

Bakıda məktəblərin birində şagird öz sinif yoldaşını döyərək videoya çəkib.

1news.az xəbər verir ki, görüntülərdə bir məktəblinin digərinə qarşı fiziki təzyiq göstərdiyi, başqa birinin isə hadisəni videolentə aldığı məlum olur.

Hadisənin Bakıda yerləşən 112 saylı orta məktəbdə baş verdiyi iddia edilir.

Aynurə Xudaverdiyeva

Paylaş:
335

Son xəbərlər

Baş prokuror Litvanın Xüsusi İstintaq Xidmətinin rəhbəri ilə görüşüb - FOTOBu gün, 17:50Noyabrın 30-na USD/AZN rəsmi məzənnəsi açıqlanıbBu gün, 17:44Səbaildə sahilə yaxın ərazidə qurğu yanırBu gün, 17:33Türkiyə, İsveç və Finlandiya XİN başçıları Buxarestdə görüşübBu gün, 17:30Azərbaycan Ordusunda “Snayper hazırlığı kursu” keçirilir - FOTOBu gün, 17:15Riker: “Bu bölgədə coğrafiya və tarix görüşür”Bu gün, 17:09Uşaqları cinsi istismar edən şəxs valideynlik hüququndan məhrum ediləcəkBu gün, 17:01Şabran və Qubanın yanğından zərər görmüş ərazilərində meşəbərpa tədbirləri keçirilibBu gün, 16:5014 yaşına çatmayanlara qarşı seksual zorakılıq edənlər 20 ilədək azadlıqdan məhrum ediləcəkBu gün, 16:50Azərbaycanda COVID-19 əleyhinə peyvənd olunanların sayı açıqlanıbBu gün, 16:36Azərbaycanda daha 43 nəfər COVID-19-a yoluxub, 2 nəfər vəfat edibBu gün, 16:34Azərbaycan və Əlcəzair arasında neft-qaz sahəsində əməkdaşlıq sənədi imzalanıbBu gün, 16:27Valyuta mübadiləsi əməliyyatları ilə bağlı vahid məlumat bazası yaradılacaqBu gün, 16:27Sentyabr şəhidinin yeni doğulan övladının adına depozit hesabı açılacaqBu gün, 16:17Azərbaycanda moped idarə etmək üçün sürücülük vəsiqəsi tələb olunacaqBu gün, 16:05“Siyasi partiyalar haqqında” qanun layihəsi I oxunuşda qəbul edildiBu gün, 15:53Paşinyanın qardaşının üzərinə maşın sürdülərBu gün, 15:52Jurnalist İlkin Zərbəliyev vəfat etdiBu gün, 15:37Mənzil alanda ƏDV-nin geri qaytarılması şərtləri necədir?Bu gün, 15:32Azərbaycandan Rusiyaya keçməyə cəhd edən Pakistan vətəndaşları saxlanılıbBu gün, 15:28
Bütün xəbərlər

Next TV