Paytaxt əhalisinə göstərilən ödənişli xidmətlərin dəyəri artıb

Bu ilin yanvar-may aylarında paytaxt əhalisinə göstərilən ödənişli xidmətlərin dəyəri 2022-ci ilin müvafiq dövrü ilə müqayisədə real ifadədə 15,5 faiz artaraq 2754,7 milyon manat olub.

1news.az xəbər verir ki, bu barədə Bakı Şəhər Statistika İdarəsindən verilən məlumatda bildirilir.

Hüquqi şəxslər tərəfindən əhaliyə 2324,7 milyon manatlıq xidmət göstərilib ki, bu da xidmətlərin ümumi dəyərinin 84,4 faizini təşkil edib.