Lənkəranda traktorla yük maşını toqquşub - YENİLƏNİB
Fövqəladə Hallar Nazirliyinin (FHN) "112" qaynar telefon xəttinə Lənkəran şəhərində yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.
1news.az nazirliyə istinadən xəbər verir ki, məlumatla əlaqədar FHN-nin Cənub Regional Mərkəzinin xilasetmə qüvvələri çağırış üzrə cəlb olunub.
Əməliyyat şəraiti qiymətləndirilərkən müəyyən olunub ki, “Ford” markalı yük avtomobili idarəetməni itirərək qarşısında hərəkət edən “Belarus” markalı traktora çırpılaraq yol kənarına aşıb, 1 nəfər avtomobildə sıxılmış vəziyyətdə qalıb.
Həyata keçirilən tədbirlər nəticəsində vətəndaş nəqliyyat vasitəsindən çıxarılaraq aidiyyəti üzrə təhvil verilib.
15:49
Lənkəranda yol nəqliyyat hadisəsi baş verib.
1news.az AZƏRTAC-a istinadən xəbər verir ki, hadisə Ələt-Astara magistralında Lənkəran rayonu ərazisində qeydə alınıb.
Belə ki, hərəkətdə olan yük avtomobili traktorla toqquşub. Bu zaman yük avtomobili idarəetməni itirərək yol kənarına aşıb. Hazırda Fövqəladə Hallar Nazirliyinin Lənkəran yanğından mühafizə hissəsinin texnikası, canlı qüvvəsi və Cənub Regional Mərkəzinin xilasediciləri yük maşınında sıxılıb qalan şəxsləri nəqliyyat vasitəsindən çıxarırlar.
Qeyd edək ki, qəza nəticəsində 3 nəfərin xəsarət aldığı bildirilir.
Faktla bağlı araşdırma aparılır.
