Baş prokuror Kamran Əliyev səsvermə hüququndan istifadə edib
Baş prokuror Kamran Əliyev növbədənkənar parlament seçkilərində səs verib.
1news.az “Seçki 2024” Müstəqil Media Mərkəzinə istinadən xəbər verir ki, Baş prokuror 15 saylı Yasamal Birinci Seçki Dairəsinin 15-ci seçki məntəqəsində səs verib.
Qeyd edək ki, seçkilər ölkə üzrə 125 seçki dairəsinin ərazisində formalaşdırılmış 6 min 478 seçki məntəqəsində keçirilir. Onlardan 54-ü işğaldan azad edilmiş ərazilərdə formalaşdırılıb. Seçki məntəqələri saat 8:00-da açılıb. Səsvermə 19:00-a qədər davam edəcək. Parlament seçkilərində 125 deputat mandatı uğrunda 990 namizəd mübarizə aparır. Azərbaycanda seçicilərin ümumi sayı 6 milyon 421 min 960 nəfərdir.
105
