Elektrik xəttində gərginlik: “Sahil” stansiyası işıqsız qaldı
Bu gün metronun “Sahil” stansiyasında problem yaranıb.
1news.az "Bakı Metropoliteni" Qapalı Səhmmdar Cəmiyyətinin mətbuat xidmətinin rəhbəri Bəxtiyar Məmmədova istinadla xəbər verir ki, hadisə 10:55 radələrində baş verib.
Onun sözlərinə görə, metropolitenə gələn elektrik xəttində gərginlik qəfil düşdüyündən stansiyanın eskalatorları və işıqlandırma sistemi dayanıb. Təxminən 3 dəqiqə ərzində problem aradan qaldırılıb.
B.Məmmədov bildirib ki, hadisə qatarların hərəkətinə mane olmayıb və intervalda gecikmə yoxdur. Hadisə nəticəsüində sərnişinlər arasında xəsarət alan olmayıb.
1news.az
409