1news.az

Hikmət Hacıyev: “Bakı-Naxçıvan reysləri ilə bağlı vətəndaşların sorğuları nəzərə alınır”

30 İyun saat 19:15 ~ 1 dəqiqəlik oxu 3270
Hikmət Hacıyev: “Bakı-Naxçıvan reysləri ilə bağlı vətəndaşların sorğuları nəzərə alınır”

“Naxçıvan Muxtar Respublikası Ermənistan tərəfindən blokada şəraitindədir. Naxçıvan Muxtar Respubliksında olan əhalimiz uzun illər bu blokadadan əziyyət çəkir. COVİD-19 reallığında da bu özünü göstərməkdədir. Ona görə də Ermənistan rəhbərliyi COVİD-19-dan və ya başqa humanitar məqamlardan danışdıqda onların siyasəti özünü bariz şəkildə göstərir”.

1news.az-ın məlumatına görə, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev bildirib. O, bildirib ki, Naxçıvan Muxtar Respublikasında olan, həmçinin Bakıda olan Naxçıvan sakinlərinin gediş-gəlişi üçün təyyarə reysləri bərpa olunub.

“Bildiyiniz kimi bu təyyarə reysləri ilə əlaqədar dövlət tərəfindən ödənilməklə testlər götürülür. Test nəticələri neqativ olan vətəndaşların bu reyslərdən istifadəsinə icazə verilir. İlk zamanlar tələbin çox olduğu nəzərə alınaraq bu reyslərin sayı artırıldı. Nəzərə almaq lazımdır ki, əvvəllər İranla sərhədlər açıq olduğu üçün vətəndaşlarımız Naxçıvana avtomobillər bə avtobuslarla İrandan keçərək də gedirdilər. Aviasiya imkanları vasitəsi ilə bunu tam şəkildə etmək çətindir. Burada hava koridorları da açılmalıdır, bu hava koridorları digər ölkələr üzərindən həyata keçirilir. Vətəndaşlarımızın bu sorğuları nəzərə alınır”.  

Qafar Ağayev

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net