Binali Yıldırımın rəhbərliyi ilə yeni hökumətin tərkibi açıqlanıb - FOTO

Mayın 24-də Türkiyənin yeni Baş naziri Binali Yıldırım Prezident Rəcəb Tayyib Ərdoğanın təsdiq etdiyi 65-ci hökumətin tərkibini açıqlayıb.

1news.az-ın Türkiyə KİV-nə istinadla verdiyi xəbərə görə, yeni hökumətdə Baş nazirin müavinləri vəzifələrinə Nurəddin Canikli, Mehmet Şimşək, Numan Kurtulmuş, Tuğrul Türkeş və Veysi Kaynak təyin ediliblər.

Bəkir Bozdağ ədalət, Fatma Betül Sayan Kaya ailə və sosial siyasət, Ömər Çelik Avropa İttifaqı naziri olublar. Elm, sənaye və texnologiya naziri vəzifəsinə Faruk Özlü, əmək və əhalinin sosial müdafiəsi naziri vəzifəsinə isə Süleyman Soylu təyin edilib. Mehmet Özhaseki ətraf mühit və şəhərləşmə, Mevlüt Çavuşoğlu xarici işlər, Nihat Zeybekci iqtisadiyyat, Berat Albayraq enerji və təbii sərvətlər, Akif Çağatay Kılıç gənclik və idman, Faruk Çelik qida, kənd təsərrüfatı və heyvandarlıq naziri kimi çalışacaqlar.

Altmış beşinci hökumətdə gömrük və ticarət naziri vəzifəsinə Bülent Tüfenkci, daxili işlər naziri vəzifəsinə Efkan Ala, inkişaf naziri vəzifəsinə isə Lütfi Elvan gətirilib. Nəbi Avcı mədəniyyət və turizm, Naci Ağbal maliyyə, İsmət Yılmaz milli təhsil, Fikri İşıq milli müdafiə, Veysel Eroğlu meşə və su işləri, Rəcəb Akdağ səhiyyə, Əhməd Arslan isə nəqliyyat, dənizçilik və kommunikasiya naziri vəzifələrində xidmət edəcəklər.

1news.az