“Caucasus International” jurnalının növbəti sayı nəşr edilib

2015-ci ilin dekabr ayında nəşr edilən “Caucasus International” jurnalının növbəti sayı Azərbaycanın qonşusu və strateji müttəfiqi Gürcüstandakı siyasi, iqtisadi və təhlükəsizlik məsələlərinə həsr edilib.

1news.az-ın məlumatına görə, jurnalda Gürcüstanın Avroatlantika məkanına inteqrasiyasının perspektivləri, Rusiya – Gürcüstan münasibətləri, 2008-ci il avqust müharibəsnin Gürcüstana və Cənubi Qafqaza təsirləri, Gürcüstanın enerji təhlükəsizliyi sahəsində qarşılaşdığı çağırışlar, NATO-nun Cənubi Qafqazdakı enerji infrastrukturunun mühafizəsinə verə biləcəyi töhfələr, Azərbaycan, Gürcüstan, Türkiyə üçtərəfli əməkdaşlığı, Məhsəti türklərinin Gürcüstana qayıdışı məsələsi, Cavaxetiya bölgəsində erməni separatçılığı və gündəmdə duran bir sıra digər önəmli məsələlərə toxunulub.

Ənənəvi olaraq, jurnalın qeyd edilən sayı David Milnenin “Dünya quruculuğu: Amerika diplomatiyasının incəsənəti və elmi” kitabının geniş, regionumuza dair nəşr edilmiş bir sıra digər kitabların isə qısa icmallarına yer verilib.

1news.az