Qaxda yerləşən istirahət mərkəzində yanğın olub

Qax rayonunda yerləşən istirahət mərkəzlərinin birində yanğın olub.

1news.az-ın Fövqəladə Hallar Nazirliyinə istinadən verdiyi xəbərə görə, rayonun İlisu kəndində (rayon mərkəzindən 10 km aralı) vətəndaşa məxsus istirahət mərkəzində ümumi sahəsi 225 kv.m olan birmərtəbəli 4 otaqlı mansard tipli kotecin 2 otağının tavanı və mansardının döşəməsi 50 kv.m sahədə yanıb.

Kotecin qalan hissəsi yanğından mühafizə olunub. Yanğın saat 16:52-də yanğınsöndürənlər tərəfindən söndürülüb.

1news.az