Azərbaycan parlamentində böhrandan çıxış yolları müzakirə olunur
Struktur islahatların həyata keçirilməsi, inhisarçılığın ləğvi və maliyyə bazarının möhkəmlənməsi istiqamətində addımlar Azərbaycanın böhrandan çıxmasına imkan verəcək.
1news.az xəbər verir ki, bu fikiri Azərbaycan Milli Məclisinin növbədənkənar plenar iclasının iştirakçıları səsləndirib. Plenar iclas ölkədə makroiqtisadi stabilliyin təminatına yönələn qanun layihələrinin müzakirəsinə həsr olunub.
Deputat Fuad Muradovun fikrincə, Mərkəzi Bank əhaliyə problemli banklarla bağlı informasiya verməli və maliyyə sisteminə bütövlükdə olan güvənsizliyi aradan qaldırmalıdır.
“Əgər əmanətçilər problemli banklar haqqında məlumatlı olsalar, ictimai rəyi manipulyasiya etmək mümkün olmayacaq”, - deyə F. Muradov bildirib.
Bununla yanaşı o, əhalinin bank əmanətlərindən 10 faizlik gəlir vergisinin ləğv olunması təşəbbüsünü müsbət qiymətləndirib.
Deputat Fazil Mustafa qeyd edib ki, əhali qarışıqlığa düşməməlidir.
“Əhali artıq məmurlara inanmır, yalnız Prezidentin sözlərini eşidir. Yəni iqtisadi blok üzvlərinə inamsızlıq göz önündədir”, - F. Mustafa qeyd edib.
O, Azərbaycana xarici bankların aktiv cəlbini təklif edib: “Əgər yerli banklar əhaliyə aşağı faizlərlə kredit vermək imkanında deyilsə, qoy bunu xarici maliyyə institutları həyata keçirsin”, - F. Mustafa təklif edib.
Deputat Əli Məsimli qeyd edib ki, hazırkı şəraitdə ilk olaraq milli valyutaya olan inam geri qaytarılmalıdır.
Bunun üçün struktur islahatlar həyata keçirilməli, o çümlədən, 150 layihə reallaşdırılmalıdır. Bu layihələrin reallaşmasına yaxın 1-2 il ərzində 1.5 milyard manata qədər vəsait xərclənəcək”, -parlametn üzvü qeyd edib.
O qeyd edib ki, “əgər müvafiq strukturlar dövlət başçısının tapşırıqlarının heç olmasa yarısını həyata keçirsə, ölkə böhran vəziyyətindən çıxacaq”.
Ə.Məsimli qeyd edib ki, monopoliyanın istənilən formasının aradan qaldırılması zamanı çatıb. Bu Azərbaycanın iqtisadi inkişafına şərait yaradacaq.
Spiker Oktay Əsədov deyib:
“ Ölkə rəhbərliyi qarşısındakı əsas məsələ makroiqtisadi stabilliyin təmin olunmasıdır, kret borcları mövzusu isə gələcək müzakirələrin mövzusu ola bilər”.
“Biz ilk növbədə makroiqtisadi göstəricilər üzrə qanun layihəsi paketi qəbul etməliyik. Digər məsələlər daha sonra müzakirə olunacaq”,- deyə O.Əsədov bildirib.
1news.az
