Tərtərdə evdə partlayış olub: xəsarət alan var

Tərtər şəhərində evdə güclü partlayış olub.

1news.az xəbər verir ki, bu barədə Fövqəladə Hallar Naziriliyindən məlumat veriblər.

Məlumata görə, Tərtər şəhərində vətəndaşa məxsus ümumi sahəsi 88 kv.m olan birmərtəbəli 2 otaq və eyvandan ibarət evdə məişət qazının sızması nəticəsində yanğınla nəticələnən partlayış baş verib.

Nəticədə 2 kv.m sahədə ev əşyaları yanıb, bir otağın tavanı və yükdaşıyıcı divarları uçub.

Hadisə zamanı 1 nəfər müxtəlif dərəcəli yanıq xəsarətləri alıb. Ev yanğından mühafizə olunub.

1news.az