“Azəryolservis”: Avtomobil yollarında hərəkət normaldır
“Azəryolservis”ASC ölkə əraizisində havaların pisləşməsindən sonra yollardakı vəziyyətlə bağlı məlumatları yeniləyib.
Bu barədə 1news.az-a “Azəryolservis” ASC-nin mətbuat xidmətinin rəhbəri Anar Nəcəfli məlumat verib.
Onun sözlərinə görə, hazırda respublikanın avtomobil yollarında hərəkət normaldır.
“Bakı şəhərində ASC-nin balansında olan yollarda da heç bir problem yoxdur, hərəkət normaldır. Texnikalar, maşın-mexanizmlər hazır vəziyyətdədir, kifayət qədər duz-qum ehtiyyatı var. Sürücülərimiz də müşahidə olunan qarlı və şaxtalı hava şəraiti ilə əlaqədar hazır olmalıdır.
Əgər avtomobil texniki cəhətdən nasazdırsa və sürücü təcrübəsizdirsə xahiş olunur ki, nəqliyyat vasitələrindən mümkün qədər istifadə edilməsin. Qarlı-şaxtalı havada yola çıxarkən mütləq şəkildə avtomobillərin şinləri ən azından qış üçün nəzərdə tutulmuş vəziyyətdə olmalıdır. Əks təqdirdə həmin nəqliyyat vasitələrinin hərəkətində problem yaranacağı qaçılmazdır”.
A.Nəcəfli bildirib ki, vətəndaşlardan yollarda hərəkətlə bağlı yaranan hər-hansı bir problemlə əlaqədar olaraq “Azəryolservis” ASC-nin “Qaynar xətt” xidmətinin (012) 599-79-75 nömrəli telefona zəng etmələri xahiş olunur.
1news.az
