Kerri: “2015-ci ildə jurnalistlər üçün ən təhlükəli ölkə Suriya idi”
Ötən il jurnalistlər üçün ən təhlükəli ölkə Suriya idi. Bu haqda cümə axşamı ABŞ-ın dövlət katibi Con Kerri bəyan edib.
“Təkcə ötən il ərzində xidməti vəzifəsini yerinə yetirərkən 71 KİV nümayəndəsi öldürülüb və 200-ə yaxını isə dəmir barmaqlıqlar arxasına salınıb. Daha çox təhlükəli ölkə Suriya olub”, - “Washington Post”un yeni binasının açılışı zamanı Kerri bildirib.
KİV nümayəndələrinə qarşı törədilən zorakılıq hallarını sadalayan dövlər katibi illər öncə Vyetnamda döyüşərkən jurnalistlərin həlak olması haqda xatırlayıb:
“Bu, daha çox təsadüf olurdu: kimlərsə gülləyə tuş gəlirdi, kimlərsə minaya düşərək həlak olurdu”.
Kerri hesab edir ki, indi planetin hər altı nəfərindən biri azad mətbuat ölkəsində yaşayır:
“Əgər ölkənin söz və mətbuat azadlığı yoxdursa, o zaman öz potensialını reallaşdırmağa şans olmayacaq”.
РИА Новости
