“Azərbaycan dəmir yolları” biletlərin satışı üçün yeni onlayn sistem tətbiq edib

“Azərbaycan dəmir yolları” QSC yanvarın 29-dan etibarən sərnişin qatarları üçün onlayn bilet satışı sistemini tətbiq edib. 

Bu haqda 1news.az-a QSC-nin mətbuat xidmətinin rəhbəri Nadir Əzməmmədov məlumat verib ki, sərnişin www.ady.az saytının “online bilet”  bölməsinə daxil olaraq plastik kart vasitəsilə ödəniş edərək beynəlxalq, eləcə də daxili istiqamətdə bilet sifariş edə bilər.

Onlayn sifarişi qatarın yola düşməsindən maksimum 3 saat qalmış həyata keçirmək olar. Bütün daxil olan məlumatlarla bağlı məsuliyyəti bilet alan şəxs öz üzərini götürür.

Sərnişin qatarının yola düşməsindən ən azı 1 saat qalmış sənəd və şəxsiyyəti təsdiq edən vəsiqə ilə kassaya yaxınlaşaraq sifariş etdiyi bileti almalıdır.

1news.az