Nazarbayev: "Neftin ucuz olmasına alışıb belə yaşamaq lazımdır"
Neftin qiymətinin aşağı olmasına alışmaq lazımdır.
1news.az xəbər verir ki, bu barədə Qazaxıstan prezidenti Nursultan Nazarbayev bildirib.
"Biz artıq yarım ildir ki, neftin 1 barelinin 30 dollar olduğu vəziyyətdə yaşayırıq. Lakin heç nə baş verməyib. Buna alışıb, belə yaşamaq lazımdır. Çünki bu proses uzun müddət davam edəcək", - deyə prezident vurğulayıb.
Ölkə başçısı əhalini "dolları yaddan çıxarmağa" çağırıb. "Bizim milli valyutamız təngədir, biz hesablaşmalarımızı təngə ilə aparırıq", - deyə N. Nazarbayev əlavə edib.
Təngənin devalvasiyasına toxunan prezident deyib ki, bu, qlobal iqtisadi konyunktura əsaslanan obyektiv proses idi.
29 yanvar tarixində “Nur Otan” partiyasının iclasında çıxış edən prezident N.Nazarbayev bildirib ki, biznesin inkişafı üçün ən yaxşı imkanlar yaradılıb. Forbes jurnalında adı olan milyonçulara müraciət edərək ölkəyə investisiya qoymağa çağırıb.
1news.az
