Zukerberq bir gündə 6,2 milyard dollar qazanıb
“Facebook” sosial şəbəkəsinin rəhbəri və qurucusu Mark Zukerberq bir gündə planetin ən varlı adamları siyahısında iki pillə irəliləyib.
1news.az Rusiyanın NTV telekanalına istinadla xəbər verir ki, M.Zukerberqin varidatı onun şirkətinin hesabatı dərc olunan gün 6,2 milyard dollar artıb. Hazırda “Facebook”un başçısı planetin varlı adamları siyahısında 6-cı yerdədir.
“Bloomberg” agentliyi Zukerberqin aktivlərini 47,6 milyard dollar həcmində qiymətləndirib. Reytinqdə 5-ci yerdə “Microsoft” kompaniyasının banisi Bill Qeyts qərarlaşıb. Onu “Inditex” kompaniyasının qurucusu Amansio Orteqa izləyir. Siyahıda 3-cü yeri amerikalı investor Uorren Baffet, 2-ci yeri “Amazon” kompaniyasının başçısı Ceff Bezos tutur. Reytinq cədvəlinə isə meksikalı biznesmen Karlos Slim başçılıq edir.
Hesabata görə, keçən il “Facebook” sosial şəbəkəsinin gəliri 25 faiz – 2,94 milyard dollardan 3,69 milyard dollara qədər artıb. Bu xəbərdən sonra birjalarda “Facebook”un səhmlərinin qiyməti 14 faiz bahalaşıb.
Xatırladaq ki, M.Zukerberq qızının anadan olduğu keçən il dekabr ayının sonlarında sosial şəbəkənin səhmlərinin özünə məxsus hissəsinin 99 faizini xeyriyyəçiliyə xərcləyəcəyini vəd edib.
1news.az
