“Ferrari”nin gəlirləri 30% azalıb

İtaliyanın “Ferrari” avtomobil konserninin gəlirləri kəskin şəkildə azalıb.

1news.az-ın AZƏRTAC-a istinadla verdiyi xəbərə bu haqda businessinsider.com saytında yazılıb.

Məlumata əsasən, “Ferrari” avtomobil şirkəti üç aylıq gəlirlərini açıqlayıb. Şirkətin son üç aylıq gəlirləri ötən ilin eyni dövrünə nisbətən 30 faiz azalıb.

Mənfəəti ötən ilin eyni dövrünə nisbətən 79 milyon avrodan 55 milyon avroya düşən şirkətin gəlirləri 751 milyon avrodan 744 milyon avroya enib.

1news.az